10 Jeltoqsan, 15:12 377 0 Aımaq Anar LEPESOVA

Almatylyqtardyń tilegi boıynsha qoǵamdyq kólik baǵyttary ózgerip otyrady

Túrksib aýdany turǵyndarymen kezdesýde Baqytjan Saǵyntaev qoǵamdyq kólik máselesiniń qalaı sheshilip jatqanyna toqtaldy. 

Ákimniń aıtýynsha, aýdanda 38 baǵyt boıynsha 564 avtobýs qatynaıdy.  Búginde olardyń 80%-y aýystyryldy,  sonyń ishinde bıyl №18, 32, 41, 92 baǵyttar jańa jyljymaly qurammen jańartyldy. Bul týraly "Almaty" arnasy habarlady.

Budan bólek, ótken kezdesýde turǵyndar qoǵamdyq kólikterdiń baǵytyn ózgertýdi ótingen bolatyn. Sol boıynsha №13 (24 emhanaǵa deıin uzartyldy), №51 (Zaharov kóshesi arqyly qatynaıtyn boldy) jáne №41 (№44 mektepke baratyn boldy) baǵyttar ózgertildi. №36, 41, 74, 86 baǵyttarynyń qatynaý aralyǵy qysqardy.

Aýdan turǵyndary suraǵyna jaýap bere kele, qala basshysy «Búginde baǵyttar «adamdar qaıda kóp barady» degen prınıpke beıimdeldi, al sizderdiń tilekterińiz boıynsha qala boıynsha baǵyttardy qaıta qarastyramyz», – dedi.

Almaty ákiminiń Túrksib aýdany turǵyndarymen bolǵan kezdesýi jaıly tolyq mán-jaıdy búgin "Almaty" telearnasynan saǵat 13:00, 15:00, 19:00 jáne 19:30-da bolatyn jańalyqtardan bile alasyzdar.

Sońǵy jańalyqtar