10 Jeltoqsan, 11:45 369 0 Jańalyqtar Asyl TUMAR

«Almaty sý» basshysy jumystan ketsin!

KTK arnasynyń habarlaýynsha, «Almaty sý» kommýnaldyq kompanııasynyń Medeý ýchaskelik qyzmetkerleri dúısenbide jumysqa shyǵýdan bas tartqan. Olar jańa basshynyń qyzmetinen ketirýdi talap etip otyr.

Jumysshylardyń aıtýynsha, aýdan ýchaskesiniń jańa basshysy qol astyndaǵylardy qorlap, qorqytatyn kórinedi. Onyń ústine qyzmetkerler basshyny biliksiz deıdi.

«Adamǵa sóılegendeı bolmaıdy. Shaqyrǵysy kelse «Eı, beri kel» deıdi. Adamgershilik pe? Biz ne, qoımyz ba? Balqytyp biriktirýshige bylaı degen: «Ia tebıa po-chernomý ı po-krasnomý slomaıý». «Po-chernomý, po-krasnomý» degen ne sóz? Ol ne, bandıt pe edi? Biz munda júrgen kimbiz? Qyzmetkerlermen bulaı jumys isteýge bolmaıdy», – dedi «Almaty sý» MKK jumysshysy Aıdos Quralbekov.

Telearnanyń habarlaýynsha, olar basshy bekitken jańa erejege de shaǵymdanǵan. Endi árbir qyzmetker jumys proesin uıaly telefonyna tirkep otyrýy tıis.

«Men brıgadırmin, brıgadaǵa jaýap beremin. Tańerteń ótkizý jasaǵynda qol qoıamyn. Qaıda jáne qandaı jumysqa shyqqanymyz sodan-aq belgili. Men sýretke túsirip júre almaımyn. Buǵan ýaqyt ketedi. Birdeńe bolyp qalsa, jaýapty brıgadır retinde men jaýap beremin. Sodan keıin ǵana basshy men ınjener jaýapty», – deıdi kásiporyn qyzmetkeri Iýrıı Shestakov.

Telearnaǵa pikir bildirgen basshy qyzmetkerlerimen eshqaısymen janjaldaspaǵanyn aıtady.

«Jala men jalǵan. Jasym 51-de. Jumysshylaryma qalaı jaman sóz aıtamyn? Absýrd qoı! Ótken aptada chat ashqanbyz. Vıdeo emes, foto. Olar qaıda ekenin sýretke túsirip, jiberýi kerek dep. Bul zańnyń talaby. Bizde mysaly ákimdiktegiler lıýk ashyq jatyr dep aıtady. Baryp, tekseremiz», – dep málimdedi Ysqaq Býrhan.

Sý jelileri departamentiniń basshylyǵy ujymdaǵy bul jaıdan múldem habarsyz bolyp shyqqan. Kompanııadaǵylar dereý qyzmettik tekseris bastady.  «Ázirshe ishki tekseris júrgizemiz. Bul adamdy búginnen bastap jumysynan shettetemiz, tekseris bitkenshe», – dedi «Almaty sý» sý jelileri departamenti dırektory Murathan Nurken.

Al mekeme qyzmetkerleri basshyny ornynan alyp tastamasa, jumysqa shyqpaımyz dep otyr.

Fotolar derekkózden alyndy

Sońǵy jańalyqtar