10 Jeltoqsan, 11:08 356 0 Jańalyqtar Asyl TUMAR

Mektep oqýshysy múgedek balanyń emine jınaǵan qarjysyn urlaǵan

Aqtóbede mektep oqýshysy alaıaqtyq jasady degen kúdikke ilikti. Ol naýqas balanyń emine jınalǵan 800 myń teńgege jýyq qarjyny alyp ketken. Polıııa bul isti uzaq ýaqyt tergedi. Ekinshi deńgeıli bank qosymshasy arqyly balanyń emine jınalǵan 790 myń teńge urlanǵan. Qylmystyq kodekstiń «Alaıaqtyq» baby boıynsha is qozǵalyp, tergeý áli jalǵasyp jatyr.

24.kz-tiń habarlaýynsha, Oblystyq Polıııa departamenti Baspasóz qyzmetiniń jetekshisi Erbolat Sarqulov: «Jábirlenýshiniń balasy týa bitti múgedek bolǵan. Reseıdiń Sankt-Peterbýrg qalasyndaǵy emhanaǵa qajetti aqshany halyqtan kómek surap jınady. Ota jasaýǵa qajetti qarjy joǵalǵan kezde aryz túsirdi. Krımınaldyq polıııa qyzmetkerleri maqsatty jumys istep, jeltoqsan aıynyń basynda Aqtóbe qalasyndaǵy mektepterdiń birinde bilim alyp júrgen 16 jastaǵy oqýshyny anyqtap, ustady. Kúdikti arnaıy kompıýterlik baǵdarlamalardy paıdalaný arqyly WhatsApp jelisimen hat almasqan. Sol kezde jábirlenýshiniń uıaly telefonyna elektrondy silteme jasap, aqparattyq júıege zańsyz kirip ketti. Bank kartasynyń esepshotyn, onyń qupııa sanyn bilip, «Steam» oıyn akkaýnttaryna aqsha aýdardy. Ári elektrondy aqsha (Bitcoin) satyp alǵan. Qazirgi ýaqytta tergeý amaldary júrgizilip, osyǵan uqsas qylmystarǵa qatysy bar-joǵy tekserilýde», – dep málimdegen.

Sońǵy jańalyqtar