10 Jeltoqsan, 10:36 351 0 Jańalyqtar Asyl TUMAR

Jol apaty 3,4%-ǵa kóbeıgen

Elimizde bıylǵy 1 qazanda tirkelgen jeńil avtokóliktiń sany 3 755 890 boldy. Bul derekti statıstıka komıteti jarııalady.

2019 jyldyń qańtar-qazan aılary araly­ǵynda Qazaqstanda 646,7 myń jeńil mashına tirkelgen, ıaǵnı byltyrǵy jyldyń kórsetkishinen 7,2%-ǵa az. Bir aıta keterligi, jańadan tirkelgen kólik sany byltyr­ǵydan az bolǵanymen, jol apaty bir jylda 3,4%-ǵa kóbeıgen. Bıyl­ǵy toǵyz aıda respýblıka bo­ıynsha 11,5 myń jol-kólik oqı­ǵasy tirkelip, 17 myńdaı adam zardap shekken.

Avtokólik sany jaǵynan aımaqtar boıynsha Almaty ob­lysy (588 379) men Almaty qa­lasy (544 187) kósh bastaıdy. Eń az kórsetkish – BQO (140 362) men Qy­­zylorda (145 333) jáne Atyraý ob­lys­­taryna (146 157) tıesili. El astana­sy – Nur-Sultan qalasynda 293 124 jeńil kólik júıtkip júr.

Kóliktiń esebi esten jańyl­dyrǵandaı bolǵanymen, jyly­na kelgende aýyz tol­tyra aıta­t­yn­daı jetistik az. 3 755 890 jeńil kóliktiń 2 485 161-niń tarıhy jıyrma jyldaı bolypty. On jyldan jıyrma jyl araly­ǵyn­da minilgeni –

959 263. Sonymen qatar mıllıonǵa jýyq (918 324) mashınanyń jasy 3 jyl men 10 jyl aralyǵyn qamtıdy. Shy­ǵaryl­ǵanyna 3 jyl tolmaǵan avtokóliktiń sany – 176 661.

Al elimizdegi jeńil kólik­terdiń ishinde eń kóp kezdesetin marka – VAZ/Lada (757 960). Onyń óziniń 40%-dan astamy KSRO kezinen beri kele jatqan kólikter, ıaǵnı 20 jyldan asqan. Odan keıin qa­zaq­standyq­tarǵa tanymal marka – Toyota (487 453). Sondaı-aq Táýelsiz­diktiń alǵashqy 10 jyldyǵyn­da Qazaqstanǵa kirip úlgergen nemis mashınalary – Volkswagen (297 myń), Audi (224 myń) jáne Mer­cedes-Benz (190 myń) avto­par­kimizdi toltyryp tur.

Jyly jańa avtokóliktiń deni elimiz­diń batys aımaǵynda jáne megapolıs Nur-Sultan men Al­matyda tirkelgen. Atyraý obly­syndaǵy jeńil mashınalar­dyń 23,6% júrilgenine 3 jyldan as­paǵan. Degenmen bıylǵy kórset­kish byltyrǵy­dan (31,1%) tómen.

Ekinshi oryn Nur-Sultanda, jańa kóliktiń úlesi 20,1% (bir jyl buryn – 25,9%). Úshtikti Ba­tys Qazaqstan oblysy túıin­deıdi: 15% (2018 jyly – 18,1%).

Jańa kólik sany boıynsha TOP-5-ke Almaty qalasy (14,8%) men Mańǵystaý oblysy (13,2%) kiredi. Aımaqtar úlesin­de 3 jyldan aspaǵan jeńil kólik sany jóninen eń tómengi kórset­kish – Jambyl (3,5%), Almaty (4,5%) jáne Shyǵys Qazaqstan oblystaryna (4,9%) tıesili.

Árıne, naryqtaǵy jan basy­na shaq­qan­daǵy kóliktiń sany emes, sapasy, ıaǵnı shyqqan jy­ly mańyzdy. Jańa avtokólik bel­gili bir deńgeıde halyqtyń ta­bysy men ekonomıkalyq ahýa­lynyń kórsetkishin beretini anyq. Bul turǵyda Eýropa elde­riniń kórsetkishine úńilip kórdik. Eń jańa avtopark boıynsha Lıýk­sembýrg memleketi alda ke­ledi. Ol elde avtokóliktiń orta­sha jasy – 6 jyl. Odan keıingi orynda Belgııa (7 jyl) men Danııa (8 jyl) tur.

Jalpy alǵanda Eýropanyń batysy men shyǵysynda aıtar­lyqtaı aıyr­mashy­lyq bar. Má­selen, Ýkraına men Pol­shada kóliktiń shyqqan jyly bo­ıyn­sha kórsetkish Lıýksembýrgten 3 ese joǵary. Shyǵys Eýropanyń keı­bir memleketteri úshin tebilgen avtokólik áli de suranysta.

aikyn.kz

Sońǵy jańalyqtar