10 Jeltoqsan, 09:17 388 0 Jańalyqtar Asyl TUMAR

Zeınetaqy aqshasyna úı alasyń dep halyqty aldamaıyq – Májilis depýtaty

Zakon.kz-tiń habarlaýynsha, Májilis depýtaty Amanjan Jamalov qazaqstandyqtarǵa zeınetaqy jınaqtarynyń bir bóligin baspana satyp alýǵa paıdalanýǵa múmkindik berý týraly bastamanyń zań júzinde shıki ekenin áshkereledi. Ol zańdy áli de jetildirý kerek dep sanaıdy.

– Áli kúnge deıin Eńbek jáne halyqty áleýmettik qorǵaý mınıstrliginiń buǵan qatysty bergen naqty túsinigi joq pa? Azamattar zeınetaqy jınaqtarynyń bir bóligin qalaı turǵyn úı men bilim alý úshin paıdalanady? Mysaly, qazirgi ýaqytta talqylanyp jatqan zań jobasy nusqasynda ol jaǵdaıy bar adamdar úshin ǵana múmkin, ıaǵnı er adamdardyń zeınet jınaǵy ol úshin 8,2 mıllıon, áıelder úshin - 10,1 mıllıon teńge bolýy kerek. Iaǵnı, jınaqtaǵan zeınetaqy qarajaty osy shekten asqanda ǵana onyń bir bóligin óz qajettiligine paıdalanýǵa bolady, – deıdi depýtat.

Búgingi tańda, onyń aıtýynsha, bul shekten zeınetaqy jınaǵy asqan 90 myń adam, ıaǵnı ​​BJZQ salymshylarynyń 1% -tinen de az.

– Aıtyldy, el estip, dámelenip otyr. Al endi ne bolady, mundaı sheshim halyqtyń kóńilin sý sepkendeı basary sózsiz. Oǵan senimdimin. Kóbisi ózin aldap ketken sekildi sezinýi múmkin. Mundaı birjaqty sheshim bolmaýy kerek dep sanaımyn. Sondyqtan salymshynyń ár kategorııasyna sáıkes shekti kólemdi belgileýdi usynamyn. Zeınetke shyqqan jasyna, tabysyna, zeınetaqy alý quqyǵyna, baspanasy bar-joǵyna qaraı ıkemdep, bul mólsherdi esepteýdiń bir júıesin túzýdi usynamyn, – dedi Amanjan Jamalov.

Sońǵy jańalyqtar