9 Jeltoqsan, 17:28 396 0 Ádebıet Anar LEPESOVA

Sheteldegi kóshbasshy qazaqtar jaıly qos tomdyq jaryq kórdi

Taıaýda «Otandastar» qorynyń bastamasymen  jaryq kórgen «Qazaq álemi» (2 tom qazaq tilinde) - «Mır kazahov» (2 tom orys tilinde) kitaptary jobasynyń tusaýkeseri ótti.
Ómirbaıandyq ıkldiń qazaq-orys tilderinde jazylǵan eki tomdyq alǵashqy eki jınaǵynda shet elderde turatyn, óz salasynda kósh basynan kórinip júrgen tanymal 50 qazaqtyń áńgime-suhbaty qamtylǵan. Ǵalymdar, bıznesmender, sportshylar, artıster, kompanııa jetekshileri - olardyń árqaısysynyń ózindik tarıhy bar.
Ózge elderde eleýli jetistikterge qol jetkizgen qandastarymyz óz ómiri, tańdaǵan joly men bolashaqqa josparlary týraly ózderi áńgimeleıdi.
Týǵan jerden shalǵaıda júrse de, olar shettegi qazaqtardyń basyn qosyp, árkez qoldaý kórsetýge daıyn. Olar álemniń túpkir-túpkirinde: Anglııa, Germanııa, Nıderlandy, AQSh, Japonııa, Qytaı, Túrkııa, t.b. memleketterde qazaq qoǵamdaryn qurýda. Qazir jolyńyz túsip, qaı elge bara qalsańyz da, belsendi hám bilimdi qandastarymyz qurǵan birlestikterdi taýyp alýǵa múmkindik bar.
“Osy kitap arqyly biz qazaq degen qasıetti ulttyń birtutas, myzǵymaıtyn myqty ári asa qabiletti halyq ekenin, qaı eldi, qaı jerdi meken etse de, ulttyq bolmys-bitimin, túp-tamyryn joǵaltpaıtynyna otandastarymyzdyń nazaryn aýdarǵymyz keldi. Sondaı-aq, qazaqtardyń álemdik qaýymdastyqtaǵy ózindik biregeı ornyna, qonaqjaılylyq, keńpeıildilik, úlkenge qurmet, kishige izet syndy qundylyqtaryn álemge óz salt-dástúri, mýzykasy men kórkemóneri, minez-qulqy arqyly tanytyp kele jatqanyna keńirek toqtalyp, kóbirek kóńil bólýdi maqsat ettik” - deıdi uıymdastyrýshylar.

Sońǵy jańalyqtar