9 Jeltoqsan, 17:13 437 0 Sport Anar LEPESOVA

Qazaqstandyq aýyr atlet barlyq medaldarynan aıryldy

Qazaqstandyq aýyr atlet Vladımır Sedov 2009 jylǵy álem chempıony ataǵynan aıryldy.

Halyqaralyq aýyr atletıka federaııasy (IWF) Sedovty  dopıng qoldanǵany úshin 2008 jáne 2016 jyldar aralyǵynda alǵan barlyq medaldarynan aıyrý týraly sheshim qabyldady. Iaǵnı, qazaqstandyq sportshy 2009 jáne 2016 jylǵy Azııa chempıonattaryndaǵy eki altyn, ChA-2011 kúmisi, 2013 jylǵy álem chempıonaty men 2014 jylǵy álem chempıonatyndaǵy qola men kúmis medaldardy qaıtaryp bermek. 

2016 jyldyń jazynda IWF jáne Dúnıejúzilik dopıngke qarsy agenttik (WADA) qazaqstandyq synaqtardy qaıta tekserip, olarda tyıym salynǵan dári-dármek stanozololynyń izderin tapqan bolatyn.

Eki jylǵa sozylǵan tergeýdi aıaqtaǵannan keıin Sedov ekinshi ret dopıng qabyldaǵany úshin sottalǵandyqtan, segiz jylǵa shettetildi. Sodan keıin IWF ony 2008 jylǵy Olımpıadadaǵy tórtinshi ornynan aıyrdy.

 2009 jyly Koreıada ótken álem chempıonatynda Vladımır Sedov altyn medal jeńip alǵan edi. Endi  bul altyn avtomatty túrde ázirbaıjandyq aýyr atlet Nızamı Pashaevqa buıyrdy. Osylaısha, Nızamı Pashaev aýyr atletıkadan álemniń úsh dúrkin chempıony atandy. Sondaı-aq, ol Ázirbaıjanda úsh ret álem chempıony atanǵan alǵashqy sportshy retinde tarıhqa enbek. 

Sońǵy jańalyqtar