9 Jeltoqsan, 16:25 357 0 Sport Anar LEPESOVA

AQSh birinshiligi: Balandın kúmis medalǵa qol jetkizdi

 Atlantada ótip jatqan AQSh-tyń ashyq birinshiliginde qazaqstandyq júzýshi Dmıtrıı Balandın kúmis medelǵa qol jetkizdi. 

Jarystyń alǵashqy kúni brass ádisimen 100 metrge júzýde jerlesimizdiń altyn alǵany jaıynda buǵan deıin de qýana habarlaǵanbyz. Kelesi táýlikte de Balandın óz jankúıerlerin qýantty. Dál sol tásilmen 200 metrlik qashyqtyqqa maltyǵan ekinshi orynnan kórindi. Dmıtrııdiń kórsetkishi – 2:09.71.

Bul saıysta otandasymyz tek AQSh-tyń ataqty sportshysy, Olımpıada oıyndarynyń jeńimpazy jáne qola júldegeri, álemniń eki dúrkin chempıony Kodı Mıllerge ǵana ese jiberdi. Al úshinshi oryndy taǵy bir amerıkalyq júzýshi Endrıý Ýılson ıelendi.

Bir aıta keterligi, joǵaryda esimderi atalǵan AQSh-tyń qos sportshysy jarystyń alǵashqy kúni bizdiń Dmıtrıı Balandınnen qalyp qoıǵan edi.

Sońǵy jańalyqtar