9 Jeltoqsan, 15:52 426 0 Zań Anar LEPESOVA

Test tapsyrýshyǵa kómektesý úshin 400 myń teńge para alǵan

Jemqorlyqpen aınalysqany úshin aıyptalǵan Shymkent qalalyq bilim basqarmasy basshysy orynbasarynyń mindetin atqarýshyǵa jaza taǵaıyndaldy. 

Bul týraly Sybaılas jemqorlyqqa qarsy is-qımyl agenttiginiń baspasóz qyzmeti habarlady.

Shymkent qalasynyń Sybaılas jemqorlyqqa qarsy qyzmeti budan buryn jemqorlyq jasady degen kúdikpen ustalǵan Shymkent qalalyq bilim basqarmasy basshysy orynbasarynyń mindetin atqarýshysy J. D. Bazarovaǵa qatysty tergeýdi aıaqtady.

"Ol orta mekteptiń bilim jónindegi meńgerýshisine mektep dırektory laýazymyna taǵaıyndalý úshin test tapsyrýǵa járdem bergeni úshin odan aldap 400 myń teńge kóleminde qarajatyn ıemdenip, senimin teris paıdalanǵany úshin kúdikti dep tanylǵan", - delingen Agenttiktiń habarlamasynda.

Bıyl 6 jeltoqsanda Shymkent qalasy Eńbekshi aýdandyq sotynyń úkimimen J. D. Bazarova alaıaqtyq jasaǵany úshin kináli dep tanylyp, memlekettik qyzmette laýazym atqarýǵa ómir boıyna quqyǵynan aıyrylyp, Bazarovaǵa 3 mln teńge aıyppul salyndy.

Sońǵy jańalyqtar