9 Jeltoqsan, 15:31 390 0 Áleýmet Anar LEPESOVA

AÁK: Tabysyn jasyrǵan otbasylar memleket qarjysyn qaıtara ma?

Tabysy men jeke múlikterin jasyryp, ataýly áleýmettik kómekti negizsiz alyp kelgen otbasylar memlekettiń qarajatyn qaıtarýǵa mindettelmeıdi. Bul týraly QR Eńbek jáne halyqty áleýmettik qorǵaý mınıstri Birjan Nurymbetov Májilis kýlýarynda málimdedi. 

«Bul sáýir-mamyr aılarynda bolǵan jaǵdaılar. Biz 74 myń otbasynyń ataýly áleýmettik kómek alý úshin tabysyn jasyrǵany týraly málimet bergenbiz. Árıne zań boıynsha memleket qarajatyn óz erikterimen qaıtarýy tıis. Búgingi kúni AÁK-ke berilgen 451 mln teńge keri qaıtaryldy. Biraq meniń ustanymym, men ákimderge de talap qoıyp jatyrmyn. Májbúrlep, qatań túrdegi qaıtarý sharalary qoldanylmaıdy. Sebebi ol adamdar qatelik ketkenin moıyndady. Sondyqtan sot arqyly óndirip alýǵa negiz joq. Jazda bizdiń aqparattyq júıe qaıta jetildirildi, sondyqtan aldaǵy ýaqytta ondaı qatelikter oryn almaıdy», - dedi mınıstr.

Aıta keteıik, bıyl tamyz aıynda atalǵan mınıstrlik elimiz boıynsha 21 myń otbasy ataýly áleýmettik kómek alý úshin óz tabystaryn jasyrǵany belgili bolǵan edi.

Sońǵy jańalyqtar