9 Jeltoqsan, 15:24 348 0 Aımaq Anar LEPESOVA

Elordanyń 5 aýmaǵynda muz qalashyqtar boı kóteredi

Nur-Sultan qalasynyń tórt aýdanynda muz aıdyny men syrǵanaqtar jasalady, dep habarlady Elorda Info.

Baıqońyr aýdanyndaǵy muz qalashyqtar «Jastar» saraıynyń, Kemal Atatúrk atyndaǵy saıabaqtyń aldyna, Aqbıdaı men Kemeńgeruly kósheleriniń qıylysyna, Óndiris turǵyn alabyna, sondaı-aq Jolymbet pen Chehov kósheleriniń qıylysyna ornalasady.

Almaty aýdanynda syrǵanaqtar men muz aıdyndar «Qazaq eli» monýmentiniń alańyna, «Jeruıyq» saıabaǵyna, Aqbulaq ózeniniń aınalasyna, «Jastar» saıabaǵyna, Oqýshylar saraıynyń aldyna, Prezıdent saıabaǵyna, «Renessans» meıramhanasynyń janyna jáne Trıatlon-parkke ornatylady.

Jurtshylyqqa arnalǵan syrǵanaqtar Júrgenov kóshesindegi Saraıshyq shaǵyn aýdanyna, Temirjolshylar, Internaıonaldy jáne Mıchýrıno turǵyn alabyna salý josparlanyp otyr.

Al Esil aýdanynyń turǵyndaryna EXPO, Botanıkalyq saıabaq, «Han Shatyr», «Kerýen» saýda oıyn saýyq ortalyqtary aýmaǵyna, «Jetisý» saıabaǵyna, Jaǵalaý shaǵyn aýdanyna, Jasyl oramyna, Úrker men Prıgorodnyı turǵyn alabyna salynbaq. Saryarqa aýdany úshin Esil ózenine, «Astana» sport kesheniniń janyna, Qosshyǵululy, 17 mekenjaıyna, «Tamyz» turǵyn úı kesheniniń janyna, «Naz» teatrynyń mańaıyna, Oqjetpes pen Geren kósheleriniń qıylysyna, Gete jáne 187-nshi kóshelerge salynady.

Sońǵy jańalyqtar