9 Jeltoqsan, 10:25 403 0 Ekologııa Anar LEPESOVA

Arktıkaǵa mehanıkalyq kóliksiz barǵan alǵashqy adamdardyń saıahaty sátti aıaqtaldy

Soltústik Polıýske qysta mehanıkalyq kóliksiz barǵan alǵashqy adamdar – norvegııalyq Borge Ýsland pen OAR týmasy Maık Hornnyń saıahaty sátti aıaqtaldy.

Ekspedıııa qyrkúıektiń aıaǵynda bastaldy. Zertteýshiler polıar túninde muzdyń betimen 1800 shaqyrym júrip ótti. Bul týraly VVS habarlady.

Ekspedıııanyń maqsaty – Arktıka muzdarynyń erýi týraly aqparattar jınaý. Ǵalymdar bul qubylysty jahandyq jylynýmen baılanystyryp otyr.

Zertteý jumystary qarashanyń ortasynda aıaqtalýy tıis edi, alaıda Ýsland pen Horn aýa temperatýrasynyń qubylýy men jyljymaly muzdarǵa baılanysty kesteden qalyp qoıdy. Juma kúni olardyń tamaǵy bitýi kerek edi, olarǵa norvegııalyq zertteýshiler Bengt Rotmo men Aleksandr Gamme kómekke keldi. Barlyǵy birge «Lans» zertteý kemesine deıin jetti.

Sapar uıymdastyrýshysy Lars Ebbesen spýtnıktik baılanys arqyly eki toppen de habarlasyp otyrdy. Ol juma kúni Bı-bı-sıge Horn men Ýslandtyń tikushaqpen evakýaııadan bas tartqanyn, biraq norvegııalyqtarmen kezdesýge keliskenin málimdedi. Olardyń azyq-túligi bitip jatqan, al jel kúnnen kúnge kúsheıe túsken. Daýyl saldarynan baılanys úzilse, olar ash qalyp qoıýshy edi.

Ýsland pen Horn 23 qyrkúıekte muz ústindegi saparyn bastady. Olarǵa -40°C-tan +2°C-qa deıingi aralyqtaǵy aýa temperatýrasynyń birden ózgerýi kedergi keltirgen. Zertteýshiler buǵan jahandyq jylyný sebep dep tujyrymdaıdy, Jyljymaly muzdar saıahatshylardy artqa qaraı alyp ketip, sapardy uzartyp jibergen. Keı jerlerde muz qabaty ádettegiden juqa bolǵan. Horn bir ret sýǵa qulap ketip, qoly men murnyn ústirip alǵan. Hornnyń aıtýynsha, eki zertteýshi de qatty júdep, saıahat kezinde sharshaǵan.

Ýsland - 57, Horn – 53 jasta. Zertteýshiler Soltústik Polıýske qysta mehanıkalyq kóliksiz barǵan alǵashqy adamdar retinde tarıhqa eneri sózsiz.

 

Sońǵy jańalyqtar