9 Jeltoqsan, 10:00 438 0 Rýhanııat Anar LEPESOVA

Túrkııadaǵy qazaqstandyq jastardyń tuńǵysh quryltaıy ótti

Aǵymdaǵy jyldyń 5-6-7 jeltoqsan kúnderi Túrkııanyń Sakarııa shaharynda túriktiń joǵarǵy oqý oryndarynda bilim alýshy stýdentter bas qosty. Qazaqstannyń Túrkııadaǵy elshiligi men Sakarııa qazaqstandyq stýdentter qaýymdastyǵy uıytqysymen ótken ataýly shara memlekettik «Rýhanı jańǵyrý» baǵdarlamasy, «Jastar jyly» jáne táýelsizdik kúnine oraılastyryldy.

Oǵan Qazaqstannyń Túrkııadaǵy Elshisi Abzal Saparbekuly, Sakarııa gýbernatory Ahmet Hamdı Navır, TR qorshaǵan orta vıe- mınıstri Mýjahıt Demırtash, Sakarııa meri Ekrem Iýje, Sheteldik túrik jáne týystas halyqtar qaýymdastyǵy Vıe - prezıdenti Saıd Iýsýf, Sakarııa ýnıversıtetiniń rektory Fatıh Savashan, túriktiń beldi saıasatkerleri, qoǵamdyq qaıratkerler men eldiń 32 qalasynda oqıtyn 200-den astam jastarymyz qatysty. «Túrkııadaǵy qazaqstandyq stýdentterdiń 1-shi quryltaıy» ataýymen ótken alǵashqy bas qosýdyń maqsaty, jastar arasyndaǵy ózara selbesýdi arttyryp, elimizdiń erteńine eseli úles qosý. Memlekettik baǵdarlamalardy talqylap, shet eldiń úzdik tájirıbelerin týǵan jerde qoldaný.

Úsh kún boıy jalǵasqan quryltaıda, elimizdiń «Shabyt» folklorly-etnografııalyq orkestri men Qazaqstannyń túkpir-túkpirinen jınalǵan jas ónerpazdar sahna aldy. Sondaı-aq, Qazaqstannyń Túrkııadaǵy Elshisi Abzal Saparbekulynyń qatysýymen arnaıy brıfıng uıymdastyryldy. Elshi quryltaıǵa qatysýshylardyń nazaryn elimizde jastardyń óz qabiletterin tanytýy úshin berilgen biregeı múmkindikterge, zaman sharttaryna jáne qarqyndy ózgerip jatqan álem talaptaryna saı keletin sapaly bilim alýdyń mańyzdylyǵyna aýdardy. 2020 jyly qazaq halqynyń uly aqyny, aǵartýshysy Abaı Qunanbaıulynyń 175 jyldyq mereıtoıyn Anadoly elinde jastarymyzben joǵarǵy deńgeıde merekeleý qajettigin atap ótti.

Sonymen qatar, túriktiń beldi oqý ordalarynda bilim alýshy jastar, kókeılerinde júrgen suraqtarǵa jaýap alyp, qajetti taqyryptar jóninde tolyq málimetpen sýsyndady.

Budan bólek, jergilikti ákimshilik basshylarymen kezdesip, jastarǵa qajetti usynystaryn jetkizdi. Shet eldik túrikter jáne týystas halyqtar basqarmasy ókilinen «Túrkııa stıpendııasy» baǵdarlamasyna qatysty mańyzdy suraqtar qoıyldy.

Quryltaı qorytyndysyna sáıkes, kelesi basqosý Eskıshehır qalasynda ótetin boldy. Sondaı-aq, Túrkııadaǵy belsendi jastar Ulystyń Uly kúnin Ystanbulda toılaýǵa ýaǵdalasty.

Aıta keterligi, Sakarııa Sý jáne kanalızaııa mekemesi 3 úzdik stýdentke shákirtaqy taǵaıyndady.

Shara sońynda quryltaıǵa qatysýshy jastar qalanyń tarıhı jerlerimen tanysty.

Sońǵy jańalyqtar