9 Jeltoqsan, 08:26 418 0 Shoý-bıznes Anar LEPESOVA

Qazaqtyń týyn ustaǵan amerıkalyqtar: Dımashty Nıý-Iork qalaı qarsy aldy?

Amerıkalyq  jankúıerleri Dımashty Nıý-Iorktegi Djon Kennedı atyndaǵy halyqaralyq áýejaıynda Qazaqstannyń jalaýymen qarsy aldy. Bul týraly dimashnews.com habarlady. 

Nıý-Iorktegi Djon Kennedı atyndaǵy halyqaralyq áýejaıy óziniń tarıhynda kóptegen tanymal tulǵalar men jarqyn kezdesýlerdiń kýási bolǵany anyq. Alaıda AQSh-tyń eń iri áýejaılarynyń birde-birinde alystaǵy Qazaqstanan kelgen ánshini dál bulaı, úlken saltanatpen qarsy almaǵan bolar.

Dımash Qudaıbergendi álemniń túkpir-túkpirinen kelgen 150-ge tarta jankúıeri gúl shoqtarymen kútip aldy. Ártúrli memleketten jınalǵan kópshiliktiń arasynda jasy da, kárisi de bar. Dımashty qarsy alýshylardyń kópshiliginiń qoldarynda Qazaqstannyń kók týy jelbireıdi. Sonymen qatar súıikti ánshileriniń portrettik sýretterin de ustap shyqqandar kezdesedi. Jankúıerleri qazaqstandyq tanymal ánshiniń konertine sáttilik tilese, birneshe saǵattyq ushýdan keıin sharshasa da, Dımash olarǵa ádettegideı alǵys aıtyp, birge estelik úshin fotoǵa tústi.

Aıta ketsek, konert Qazaqstannyń AQSh-taǵy mádenıet kúnderi aıasynda uıymdastyrylyp otyr. «Arnau tour ENVOY» - maýsym aıynda «Qazaqstan» RTRK» AQ uıymdastyrýymen Nur-Sultan qalasynda ótken «ARNAU» konertiniń jańarǵan nusqasy. Álem tyńdarmandary bul keshte jańa baǵdarlamamen qatar, «ARNAU» baǵdarlamasynyń úzdik nómirlerin kóretin bolady.

Dımashtyń Nıý-Iorktegi konertine bıletter bir jarym aıda satylyp ketken. Sondaı-aq, ánshiniń Nıý-Iorkte 10 jeltoqsanda ótetin jeke konertine álemniń 51 elinen jankúıerler keledi.

Sońǵy jańalyqtar