8 Jeltoqsan, 20:13 318 0 Áleýmet Anar LEPESOVA

10 muǵalimge «Qazsaq» stıpendııasy tabystaldy

Abaı atyndaǵy Qazaq ulttyq pedagogıkalyq ýnıversıtetinde  «II Global Teaching Qazsaq» halyqaralyq forýmy ótti.

Reseı, Ózbekstan, Japonııa, Qazaqstan jáne Túrkııa elderinen bilim salasynyń bilikti mamandary qatysqan sharada muǵalimniń qoǵamdaǵy róli, bilim sapasyn arttyrýda oqýshymen, ata-analarmen baılanys máseleleri talqylandy. Bul týraly "Egemen Qazaqstan" basylymy jazdy. 

«Qazsaq Media Group» uıymdastyrǵan forým barysynda on pedagogqa «Qazsaq» stıpendııasy tabystalyp, ózge qatysýshy ustazdarǵa halyqaralyq dıplom jáne «Úzdik pedagog» tós belgileri tabys etildi. «II Global Teaching Forum Qazsaq»  jobasyn tanystyrǵan joba redaktory Medına Reı  aldaǵyjospar, pedagog úshin jobanyń paıdasy, qoǵamdaǵy ustaz mártebesin kóterý, oqytshylarǵa arnalǵan stıpendııa, t,b, máseleler tóńireginde oı órbitti.

 Úzdikterdi irikteýge qazylar alqasynyń quramynda «Nur Otan», «Atameken» UKP, Qazaqstan halqy assambleıasy ókilderi qatysty. Joba sharty boıynsha jeńimpaz bolyp tanylǵan ustazdar 2020 jyldyń mamyr aıyna deıin «QazsaqMediaGroup» atynan aılyq jalaqysyn 10-15% mólsherinde qosymsha járdemaqy alyp otyratyn bolady.

Al forýmǵa qatysýshylar arasynan 30 pedagog aǵymdaǵy jyldyń 22 jeltoqsanynda Túrkııanyń Ystambýl qalasynda ótetin halyqaralyq «III Global Teaching Forum Qazsaq» teach-týryna iriktelmek. 

Sońǵy jańalyqtar