8 Jeltoqsan, 18:16 391 0 Mádenıet Anar LEPESOVA

Bas qalanyń úzdik jastary anyqtaldy

Nur-Sultanda "Elorda jastary syılyǵy - 2019" baıqaýynyń jeńimpazdary anyqtaldy. Ár salanyń úzdikteri marapattalǵan keshke qala ákimi Altaı Kólginov qatysty. 

"Búgin elordanyń ár sala boıynsha úzdik jas mamany men óz isiniń sheberin anyqtaýdamyz. Elbasynyń usynýymen bıylǵy jyl «Jastar jyly» bolyp jarııalandy. Osy oraıda bul shara jyl boıy atqarylǵan jumystyń qorytyndysy desek te bolady. Árıne bul baǵyttaǵy jumystar óz jalǵasyn taba beredi. Memleket óz tarapynan ózin damytamyn degen jastarǵa túrli múmkindikter jasap otyr. Bizdiń jastarymyzdyń barlyq sala boıynsha aýyz toltyryp aıtatyn jetistikteri jetkilikti. Bunyń barlyǵy eńbektiń arqasy. Nur-Sultan qalasy jastardyń qalasy, armandar oryndalatyn qala. Búginde bizdiń astanamyzdy álem tanıdy, elordamyzdyń damýyna jastardyń qosqan úlesi zor", - dedi  Altaı Kólginov.

Baıqaý jeńimpazdaryna 100 myń teńgeniń sertıfıkaty men estelik syılyqtar tabys etildi.

"Meniń volonter bolý ıdeıam ózime men bul ómirde kimmin degen suraqtan keıin keldi. Men adamdarǵa kómektesý arqyly, jaqsylyq jasaǵym keldi. Men volonterlik ispen 2018 jyldan bastap aınalysyp kelemin. Osy ýaqyt aralyǵynda kóptegen sharalarǵa qatystym. Bıylǵy jyl boıynsha erekshe aıtyp ótetin men qatysqan shara ol elordada ótken kúresten álem chempıonaty. Sporttyq sharaǵa 4 myń sportshy qatysty, biz solarmen tikeleı jumys istedik. Meniń ondaǵy mindetim, kelgen sportshylardy áýejaıdan kútip alyp, qonaq úıge jetkizý. Jalpy volonterlik jan-jaqty sala. Búgin senbilikke shyǵyp kóshe tazalasaq, erteń kómekke muqtaj jandardyń otbasyna baryp úı jumystaryna qol ushyn sozamyz", - dedi elordanyń úzdik "Jyl volontery" atanǵan №66 mektep-lıeıiniń 11 synyp oqýshysy Mıras Murat.

Aıtýly keshte elimizge belgili sahna juldyzdary Marjan Arapbaeva, Rınat Malagov, Ámire, Rústem Júginisov, Dıas Ablaev jáne taǵy basqalar óner kórsetti.

"Elorda jastary syılyǵy- 2019" baıqaýynyń jeńimpazdary:

1. Estrada – Mıras Júginisov;
2. Ǵylym – Qýanysh Ersahanov;
3. Jýrnalıstıka – Rıza Danııar;
4. Kıno jáne teatr – Samat Ázimqulov;
5. Ulttyq óner – Ásel Álibekova;
6. Sport – Madııar Mýsaıfov;
7. Memlekettik qyzmetker - Tańsholpan Ermanova;
8. Áleýmettik salanyń úzdik qyzmetkeri – Júnisálıevter otbasy;
9. Qoǵamdyq qyzmet – Asylbek Ábdýrashıtov;
10. Óndiristiń úzdik qyzmetkeri – Sabına Otarova;
11. Zamanaýı shyǵarmashylyq óner – Aqbota Toqtasynova;
12. Úzdik stýdent – Abdraýf Oral;
13. Úzdik jastar teatry – "Shańyraq" teatry;
14. Jas kásipker – Aıgerim Bapanova;
15. Jyl volontery – Mıras Murat.

Sońǵy jańalyqtar