8 Jeltoqsan, 17:17 386 0 Jahan Anar LEPESOVA

Mas júrgizýshi bir top oqýshyny qaǵyp ketti

Reseıdiń Nıjnıı Novgorod qalasynda jantúrshigerlik jol-kólik oqıǵasy boldy. Apat kezinde kólikterdiń biri jaıaý júrginshiler jolyna ushyp ketip, birneshe adamdy qaqqan.

Toǵyz oqýshy jáne eki eresek adam zardap shekti. Aýyr jaraqat alǵan áıel aýrýhanada jetken boıda kóz jumdy, dep habarlaıdy TASS.

Tergeý málimetterine súıensek, júrgizýshi qarsy bettegi qozǵalys jolaǵyn basyp ótip, júrip kele jatqan ózge kólikpen jáne toqtap turǵan kólikpen soqtyǵysqan. Toqtap turǵan kólik qatty soqqydan jaıaý júrginshiler jolyna ushyp ketip, oqýshylardy qaqqan. Jasóspirimder bir top bolyp teatrǵa bara jatqan kórinedi.

Aımaqtyq Tergeý komıtetiniń habarlaýynsha, jol-kólik oqıǵasyna kináli júrgizýshini tekserý kezinde qanynan alkogol anyqtalǵan. Onyń ústinen RF Qylmystyq kodeksiniń 264-babynyń 4-bólimi boıynsha qylmystyq is qozǵaldy.

Sońǵy jańalyqtar