8 Jeltoqsan, 14:07 359 0 Mádenıet Anar LEPESOVA

«Bastaý» kınofestıvaliniń jeńimpazdary anyqtaldy  

VIII stýdenttik jáne debıýttik halyqaralyq «Bastaý»  kınofestıvali jeńimpazdardy jarııalady.

Festıvaldiń tarıhynda alǵash ret qysqametrajdy fılmdermen  (Bastau Shorts) qatar debıýttik tolyqmetrajdy (Bastau Debuts) qartınalar da baq synady. Atalǵan baǵdarlamaǵa Eýropa elderi, jaqyn jáne alys shetelden ondaǵan tolyqmetrajdy fılm qatysqan.

Bastau Debuts tolyqmetrajdy debıýttik fılmder baıqaýynyń halyqaralyq qazylar alqasy quramynda reseılik kınorejısser, senarıst jáne prodıýser Mıhaıl Segal (tóraǵa),  kınosynshy Roberto Kýeto (Ispanııa), prodıýser Denıs Vaslın (Nıderland), teatr jáne kıno aktrısa Nellı Ývarova (Reseı), akter jáne prodıýser  Farhat Abdraıymov (Qazaqstan) jumys atqardy jáne júldelerdi tómendegideı úlestirdi:

Úzdik fılmge Gran-prı: «Qabirlerdi qozǵaý» (rejısseri Chon Syn-o, Ońtústik Koreıa);

Úzdik rejıssýra júldesi: «Yńyrsý» (rejısseri Domınık Sangma, Úndistan, Qytaı);

Qazylardyń arnaıy júldesi: «Márıam» (rejısseri Shárıpa Orazbaeva, Qazaqstan);

Úzdik er adam roli úshin júldesi: úlestirilmedi;

Úzdik áıel adam roli úshin júldesi:

  • «Kóńilden ketken», aktrısa Iýdıta Frankovıch, rejısseri Mıha Mazzını (Slovenııa, Horvatııa, Serbııa);
  • «Pák qyzdar», aktrısa Djoı Rıger (rejısseri Keren Ben Rafael, Izraıl, Franııa, Belgııa);

Qazylardyń arnaıy atalymy: «Bári de anam úshin» (rejısseri Malgojata Imelska, Polsha).

Bıyl Bastau Shorts qysqametrajdy fılmder baıqaýyna qatysýǵa ótinim joldaǵan usynymdar byltyrǵyǵa qaraǵanda kóp kelip túsken. Álemniń 44 elinen 360 kartına qatysqan. Festıvaldiń halyqaralyq áleýetiniń artqanyn osydan baıqaýǵa bolady.

Bul baıqaýdyń jeńimpazdaryn tómendegi halyqaralyq qazylar alqasy tańdady: rejısser, senarıst, kınoprodıýser Gela Bablýanı (Franııa), aktrısa Rano Shodıeva (Ózbekstan), kıno jáne teatr akteri Aleksandr Pashkov (Reseı) jáne rejısser Shárıpa Orazbaeva (Qazaqstan). Atalǵan baıqaýdyń júldeleri tómendegideı úlestirildi:

Úzdik qysqametrajdy derekti fılm júldesi: «Aýyl kúıi», rejısseri Ásel Sydyqova (Qyrǵyzstan);

Úzdik qysqametrajdy anımaııalyq fılm júldesi: «Aqyry dramaǵa toly», rejısseri Kerıha Arne (Latvııa);

Úzdik qysqametrajdy kórkem fılm júldesi:  «Satýshy», rejısseri Srechıta Das (Úndistan);

Qazilar alqasynyń arnaıy júldesi: «Dıplommen aýylǵa», rejısseri Samǵar Rahym (Qazaqstan).

Atalǵan baıqaýdyń kınolentalary ádettegideı stýdenttik qazylardyń júldesine talasqan. Bıyl oǵan 7-Halyqaralyq «Bastaý» kınofestıvaliniń Gran-prı ıegeri Álisher Jádigerov tóraǵalyq etti.

Stýdenttik baıqaýdyń qazylary rejısser Laýra Tamoshıýnaıteniń (Lıtva) «Baqyt janymnan ótip bara jatqanda uıyqtap jatqam» fılmin úzdik qysqametrajdy fılm dep tanyp,  Gran-prıdi berdi.  

Al qazylardyń arnaıy júldesi Martıns Gaýsıshtiń «Kójek» (Latvııa) fılmine buıyrdy.

Aıta ketelik, «Bastaý» kınofestıvalinde bıyl sonymen qatar jańa baǵdarlama Bastau Docs - álemniń úzdik derekti fılmderine arnalǵan baǵdarlama ashylǵan bolatyn. Baǵdarlama sheńberinde  10 elden (Iran, Qazaqstan, Reseı, Norvegııa, Qyrǵyzstan, Tájikstan, Grýzııa, Armenııa, Polsha, Belarýs) 10 derekti fılm kórsetildi.  Baǵdarlamany  TMD elderi, Baltıka jáne Skandınavııa elderine Multimedia Promotion kınokompanııasynyń Shveııadaǵy, fılmderdi dıstrıbýııalaý men satyp alý jónindegi dırektory Borıs Shýlman júrgizdi.

Oraz Ábishev atyndaǵy júlde eki birdeı kartınaǵa tabystaldy.  Biri úzdik derekti fılm dep tanylǵan Armenııa rejısseri Arsen Arakelıanǵa «Aına arqyly» fılmine berilse, ekinshisi stýdenttik kıno baǵdarlamasyna qatysqan rejısser Kamılla Berdimuratovanyń «Taqsyr» atty derekti fılmi  úshin berildi.

 

Sońǵy jańalyqtar