7 Jeltoqsan, 22:02 315 0 Jańalyqtar Asyl TUMAR

Balqash kóliniń ortasynda qalǵan balyqshylar qutqaryldy

Tótenshe jaǵdaı departamentiniń qyzmetkerleri seń kóshýiniń saldarynan Balqash kóliniń ortasynda qalǵan tórt balyqshyny qutqardy. «Qońyraý 6 jeltoqsan kúni saǵat 14:07-de túsken. Kýágerler Aqóleń aýylynan ońtústikke qaraı 15 shaqyrym qashyqtyqta qalqyp júrgen muzdyń ústinde tórt adam qalyp qoıǵanyn aıtqan. Seń jaǵadan 10 shaqyrymǵa uzap ketipti. Oqıǵa ornyna Qaraǵandy oblysynyń TJD jedel áreket toby attandy», – delingen TJD taratqan alǵashqy habarlamada.

Sondaı-aq muz ústindegi adamdar únemi baılanysta bolǵan. Baspasóz qyzmetiniń sońǵy málimdemesinde tolqynnyń kúshti bolǵanyna qaramastan qutqarýshylar balyqshylardy tez arada taýyp, saǵat 17:35-te jaǵaǵa jetkizgeni týraly aıtylǵan.

TJD qyzmetkerleri muzdyń áli tolyq qatpaǵanyn, oǵan shyǵýdyń qaýipti ekenin qatań eskertedi. Túngi ýaqytta jáne daýyldy kúnderi kól mańynda balyq, ań aýlaýǵa tyıym salynǵan.

 

Sońǵy jańalyqtar