6 Jeltoqsan, 16:44 355 0 Jańalyqtar Asyl TUMAR

Zeınetaqy júıesi jetildirilýde

Úkimet úıinde QR Premer-mınıstriniń orynbasary Berdibek Saparbaev zeınetaqy júıesin odan ári jetildirý boıynsha jumys tobynyń kezekti otyrysyn ótkizdi, - dep habarlaıdy. 

Memleket basshysy Qasym-Jomart Toqaev Qazaqstan halqyna arnaǵan «Syndarly qoǵamdyq dıalog - Qazaqstannyń turaqtylyǵy men órkendeýiniń negizi» Joldaýynda Úkimetke jumys isteıtin azamattarǵa ózderiniń zeınetaqy jınaqtarynyń bir bóligin maqsatty paıdalaný máselesin pysyqtaýdy tapsyrǵan bolatyn.

Otyrys kezinde «Biryńǵaı jınaqtaýshy zeınetaqy qory» AQ basqarma tóraǵasy Janat Qurmanov Qazaqstandaǵy zeınetaqy júıesiniń tıimdiligin baǵalaýdy jáne halyqaralyq tájirıbe taldamyn usyndy.

Sonymen qatar zeınetaqy júıesiniń tıimdiligin arttyrý boıynsha birqatar usynystar qaraldy. Atap aıtqanda, zeınetaqy jınaqtarynyń bir bóligin turǵyn úı satyp alýǵa nemese bilim alýǵa paıdalaný, Biryńǵaı áleýmettik qor qurý, biryńǵaı áleýmettik tólem engizý jáne basqa da máseleler talqylandy.

Otyrysta atalǵan máseleler boıynsha syndarly talqylaý jasalyp, pikir almasyldy, tıisti usynystar bildirildi. Bıylǵy jyldyń sońyna deıin jumys toby uzaqmerzimdi aktýarlyq modelder negizinde zeınetaqy júıesin odan ári jetildirý boıynsha usynystar ázirleıtin bolady.

Otyrysqa eńbek jáne halyqty áleýmettik qorǵaý mınıstri Birjan Nurymbetov, «Eńbek resýrstaryn damytý ortalyǵy» AQ prezıdenti Tamara Dúısenova, «Qazaqstan qarjygerleri qaýymdastyǵy» ZTB Keńesiniń tóraǵasy Elena Bahmýtova, «First Heartland Jysan Bank» AQ Dırektorlar keńesiniń múshesi Bolat Jámishev, «Atameken» UKP atqarýshy hatshysy Alıona Romanova, «Strategııalyq bastamalar ortalyǵy» JShS aǵa seriktesi Oljas Qudaıbergenov, sondaı-aq memlekettik organdar men úkimettik emes uıymdar ókilderi, sarapshylar men qoǵam qaıratkerleri qatysty.

Sońǵy jańalyqtar