6 Jeltoqsan, 12:08 323 0 Jańalyqtar Asyl TUMAR

«Nurly Taýdaǵy» tótenshe jaǵdaı: kýágerler ne deıdi?

Keshe «Nurly Taý» bıznes ortalyǵynyń 12 qabatynan sekirip, mert bolǵan 48 jastaǵy azamatty kórgen kýágerler mán-jaıdy «Astana» arnasynyń jýrnalısterine baıandap berdi.

Olardyń aıtýynsha, baıqamasań, bul bıznes ortalyqtaǵy balkon-terezelerdiń barlyǵy qaýipti.  Onyń ústine, ǵımaratqa kirip-shyǵý eshqandaı qıyndyq týdyrmaıdy.

«Jumysqa kelgen betim sol edi. Syrtta aıqaı-shý bola ketti. Shyǵyp qarasam, orta jastaǵy er-azamat joǵarydan qulap, mert bolǵan eken», – deıdi Temirlan Dúkenbek.

Oqıǵa oryn alǵan ýaqytta 24 jastaǵy jas jigit osy mańdaǵy kafelerdiń birinde jumysyna kirisip jatqan. Kýáger biraz ýaqytqa deıin shý basylmaǵanyn aıtady.

Qala turǵyny Álisher Batyrǵalıev: «Kúzet júıesi durys qurylmaǵan. Máselen, kireberiste baqylaý kameralary joq. Kez kelgen adam kúzettegi kezekshige aty-jónin aıtyp-aq, ǵımaratqa kire alady. Balkonǵa shyǵý tipti ońaı, bári ashyq jatady», – degen pikirde.

Kýágerlerdiń oıynsha, marqum bul oryndy aldyn-ala qarap, belgilep alǵan.

Esterińizge salaıyq, 5 jeltoqsan kúni tańerteń belgisiz bir azamat «Nurly Taý» bıznes ortalyǵynyń 12 qabatynan sekirip, jedel-járdem kelgenshe kóz jumdy. Marqumnyń jeke derekteri men oqıǵanyń  mán-jaıy anyqtalýda.

Sońǵy jańalyqtar