6 Jeltoqsan, 09:18 313 0 Jańalyqtar Asyl TUMAR

Germanııaǵa eksport 21,4 paıyzǵa tómendegen

Êîíòåéíåð íà êðþêå íà ôîíå íåáà
Êîíòåéíåð íà êðþêå íà ôîíå íåáà

Qazaqstan Prezıdenti men Germanııa Kanleri BAQ ókilderi úshin birlesken baspasóz máslıhatyn ótkizdi, dep habarlaıdy akorda.kz.

Qazaqstan Prezıdenti Germanııa Kanlerine qonaqjaılyq kórsetkeni úshin rızashylyǵyn bildirip, Merkel hanymnyń eki el arasyndaǵy dostyq baılanystardy nyǵaıtýǵa qosqan úlesin joǵary baǵalaıtynyn aıtty. Memleket basshysy aldaǵy ýaqytta Qazaqstan óziniń syrtqy saıasatyndaǵy sabaqtastyqty saqtap, Tuńǵysh Prezıdent – Elbasy Nursultan Nazarbaevtyń bastamalaryn jalǵastyra beretinin atap ótti.

Qasym-Jomart Toqaev Prezıdent retinde Eýropa odaǵy boıynsha alǵashqy resmı saparyn Germanııadan bastaǵanyn aıtyp, Qazaqstan úshin osy elmen yntymaqtastyqty nyǵaıtýdyń mańyzy zor ekenine toqtaldy. Sondaı-aq Memleket basshysy bul sapardyń basty maqsaty eki el arasyndaǵy ekonomıkalyq yntymaqtastyq pen saıası yqpaldastyqqa jańa serpin berý ekenin jetkizdi.

– Germanııa ekonomıkalyq áleýeti jaǵynan álemdegi tórtinshi memleket bolǵanymen, bizge tikeleı ınvestıııa salyp otyrǵan elderdiń ishinde 12-orynda. Qazaqstan ártúrli saladaǵy 700-den astam jobany jekeshelendiretin bolady. Bul nemis ınvestorlary men kompanııalaryna jaqsy múmkindik týǵyzady dep sanaımyn. Neǵurlym ınvestıııa kóp tartylsa, soǵurlym eki el úshin de tıimdi bolmaq, – dedi Memleket basshysy.

Sonymen qatar Qasym-Jomart Toqaev Qazaqstannyń Germanııa ınvestorlary úshin arnaıy jeńildikter usynyp otyrǵanyn, bul eki tarapqa da óte tıimdi bolatynyn aıtty.

Baspasóz máslıhaty barysynda jýrnalıster Germanııaǵa eksporttalatyn taýar kóleminiń sońǵy 8 aıda 21,4%, ıaǵnı 2,258 mıllıard eýroǵa tómendep ketkenin, sarapshylar munyń sebebin munaı naryǵyndaǵy jaǵdaımen baılanystyryp otyrǵanyn surady.

– Rasynda, mundaı úrdis bar. Búgingi saparymnyń basty maqsaty – osy jaǵdaıdy meılinshe ózgertý. Sondyqtan kelissózder barysynda Kanler hanymǵa birneshe naqty usynystarymdy jetkizdim, – dep jaýap berdi Qazaqstan Prezıdenti.

Memleket basshysyna dýaldi bilim berý salasyna qatysty ekijaqty yntymaqtastyqtyń qazirgi jaǵdaıy men perspektıvasyna baılanysty da suraq qoıyldy.

– Dýaldi bilim berý júıesinde nemis tájirıbesin qoldanyp kelemiz. Aldaǵy ýaqytta bilim berý salasynda yntymaqtastyqty jalǵastyra beremiz, – dedi Prezıdent.

Germanııa Federatıvtik Respýblıkasynyń Kanleri Angela Merkel Qazaqstanmen arada berik yntymaqtastyqtyń ornaǵanyn, Elbasy Nursultan Nazarbaevpen ózara túsinistikte jumys istegenin atap ótip, Qasym-Jomart Toqaevtyń eki el arasyndaǵy yqpaldastyqty jańa deńgeıge kóteretinine senim bildirdi, sondaı-aq búgingi kelissózderdiń nátıjeli ótkenin aıtty.

Sońǵy jańalyqtar