5 Jeltoqsan, 15:34 386 0 Jańalyqtar Asyl TUMAR

Bıyl elimizge 13 myń qandas oralǵan

Bıyl elimizge bala-shaǵasymen qosqanda 13 myń qandas qonys aýdarǵan. Bul týraly Eńbek jáne halyqty áleýmettik qorǵaý mınıstri Birjan Nurymbetov aıtty.

– 1070 qandasty bos jumys ornyna ornalastyrdyq. 260-taı adam shaǵyn nesıe alyp, kásipker boldy. Júz shaqtysy qysqa merzimdi oqýǵa jiberildi. Olarǵa jergilikti turǵyndarmen birdeı múmkindik berilýde, – dedi mınıstr.

Byltyr jumys kúshi tapshyl óńirlerge sheteldegi qandastardyń qonys aýdarýyna múmkindik beretin 2100 kvota bólingen. Mınıstr 2020 jyly osy maqsatta 1900 kvota qarastyrylǵanyn aıtty. Dese de, «Bul kórsetkish shettegi baýyrlardyń kóship kelýin shekteý degen sóz emes. Tipti 100 myń qandas qonys aýdaryp, qaı óńirge kóship kelemin dese de, óz erki. Petropavl sııaqty soltústiktegi jumys kúshi az ólkelerge baryp turý úshinkvota beriledi, – dep atap ótti Birjan Nurymbetov. Bıyl qonys aýdarǵan qandastardyń eki myńǵa jýyǵy osy baǵdarlamaǵa qatysqan.

Sońǵy jańalyqtar