5 Jeltoqsan, 11:34 522 0 Naryq Anar LEPESOVA

Áýe tasymaly: Ishki reısterdiń bılet quny 12 paıyzǵa arzandady

Otandyq áýe kompanııalary ishki baǵyttar boıynsha ushaq bıletiniń ortasha qunyn orta eseppen 12 paızyǵa tómendetti, dep habarlaıdy QR Indýstrııa jáne ınfraqurylymdyq damý mınıstrliginiń baspasóz qyzmeti.

Baspasóz qyzmetiniń málimetterine qaraǵanda, memleket basshysynyń áýe tasymaldary baǵasyn tómendetýge qatysty tapsyrmasyn oryndaý maqsatynda otandyq áýe kompanııalary ishki baǵyttar boıynsha avıabılettiń ortasha qunyn orta eseppen 12 paıyzǵa tómendetti.

Qazaqstandaǵy alǵashqy bıýdjettik áýe kompanııany iske qosý áýe tasymaldar naryǵyna eleýli áser etti jáne jalpy alǵanda ishki naryqtaǵy básekelestikti arttyrýǵa múmkindik berdi. Bul ushaq bıletteri tarıfteriniń tómendeýine yqpal etti. Fly Arystan áýe kompanııasynyń naryqqa kelýimen Qazaqstan áýejaılarynda jolaýshylar aǵynynyń ósýi baıqaldy, Nur Sultan - 48%, Almaty - 45%, Semeı - 1013%, Taraz - 734%, Pavlodar - 117%, Qaraǵandy ​​- 90%, Shymkent - 57 %, Oral - 54%. Q

Qazaqstan Respýblıkasynyń Indýstrııa jáne ınfraqurylymdyq damý mınıstrligi múddeli memlekettik organdarmen jáne kvazımemlekettik sýbektilerimen birlesip ushaq bıletteriniń qunyn tómendetý boıynsha birqatar sharany qoldaný boıynsha jumys júrgizýde.

Sonymen birge, Memleket basshysynyń áýeotynǵa baǵany tómendetýge qatysty tapsyrmasyn oryndaý maqsatynda Indýstrııa jáne ınfraqurylymdyq damý vıe-mınıstri B. Kamalıev Qazaqstanda ushýlardy júzege asyratyn sheteldik áýe kompanııalary men negizgi áýejaılarmen keńes ótkizdi. Memleket menshigindegi áýejaılarǵa avıaotynnyń qunyn ortasha naryqtyq deńgeıge deıin tómendetý jáne sheteldik áýe kompanııalarmen sharttardyń osy sheshimine sáıkes keltirý tapsyryldy. Avıaotynnyń quny áýe tasymaldary qunynyń eń úlken úles salmaǵyn alady-30 % deıin.

Kezdesýge Nur-Sultan, Qaraǵandy, Almaty, Shymkent, Aqtaý qalalarynyń áýejaılary jáne «Air China Limited», «China Southern Airlines», «Turkish Airlines», «Atlasglobal», «Aeroflot», «Fly Dubai», «Uzbekistan Airways», «Pegasus», «Etihad Airways», «Siberia Airlines», «Ural Airlines» jáne «Belavıa» sheteldik áýe kompanııalarynyń ókilderi qatysty. Jalpy alǵanda, avıaotyn men áýe bıletteriniń qunyn tómendetý máselesi mınıstrliktiń turaqty baqylaýynda bolady jáne osy másele boıynsha jumys turaqty negizde bolady.

 

Sońǵy jańalyqtar