5 Jeltoqsan, 09:37 1188 0 Shoý-bıznes Túrkistan Gazeti

Raıymqulova raıynan qaıtpapty

Turkistan halyqaralyq gazetiniń  21 qarasha kúngi sanynda  «Raıymqulova raıynan qaıtyp qalǵan joq pa? nemese óner­paz­dy kim deımiz eldi aldasa» degen taqyrypta maqala ja­rııa­lan­ǵan bola­tyn. Maqalada qazirgi zamanǵy án­shilerdiń fonog­ram­maǵa túgel­deı ıek artyp, ónerdiń qunyn túsirip, tyńdaýshyny jalyqtyryp otyrǵany aıtylǵan. Atalmysh maqalaǵa qatysty Mádenıet jáne sport  mı­nıstriniń keńesshisi Erlan Jurynbaev redakııaǵa habarlasyp, máselege resmı jaýap beretindigin jetkizgen. Tómende mádenıet mınıstrliginiń jaýabyn jarııalap otyrmyz.

Tabıǵı ónerdiń tazalyǵyn saqtaý, fonogrammamen án aıtýdyń ónerge, tyń­darman talǵamyna keri áseri týraly  máseleni jan-jaqty zer­deleı oty­­ryp, saýat­ty kótergen ári óte oryn­­dy usy­nys­tar aıt­qan basylym­ǵa rızashylyq bil­diremiz.

Mınıstr A.Raıymqulova óz só­zi­nen qaıtqan joq. Mádenıet jáne sport mınıstrligi buǵan deıin málim­degendeı, óner­degi tazalyqty to­lyq qoldaıdy. Bul ­–  qurǵaq sóz emes. Osy baǵyt­ta is jú­zinde birshama jumystar atqa­rylyp jat­qanynan habardar etki­miz keledi. Eń al­dymen, mınıstr­liktiń  bastamasymen qold­anystaǵy «Má­denıet týraly» zańǵa fo­nogramma má­selesin baqylaýǵa jáne kon­erttik baǵ­darlamalardy ótkizý boıy­n­sha tıis­ti ózgertýler engizý týraly zań jo­basy ázirlendi.

Bul zań jobasynda oryndaýshylardy tyńdarmandarǵa fonogram­ma qoldanatyny jaıynda eskertýge mindetteý kózdelip otyr. Al bul es­kert­pelerdi quziretti organ retinde Mádenıet jáne sport mınıstrligi qabyldaıdy. Onyń ishinde kez kelgen jarnamalyq (afısha, tele-radıo baǵdarlama) materıaldarda fonogramma paıdalanylatyny ne paıdalanylmaıtyny kórsetiletin bolady.

Osylaısha, kórermen men tyń­dar­man fonogramma qoldanylatyn kon­ertke barý nemese barmaýdy ózi sheshedi. Sondaı-aq fonogrammamen qoıy­latyn konerttik baǵdarla­ma­larǵa belgilenetin bılet ba­ǵa­syna da óz áserin tıgizedi, retke keltiredi.

Sonymen qatar atalǵan jobada etı­ka máselesine, oryndaýshylar­dyń kon­ert kezinde sahnada ózin-ózi ustaýy­na qatysty da talaptar bar. Atal­ǵan usynystar qazirgi tańda memlekettik organdar tarapynan tolyq qoldaý taýyp otyr. Al fonogrammany tolyq joıýǵa baı­la­nysty keıbir memlekettik organdar tarapynan kelispeýshilik bar. Degen­men mınıstr A.Raıym­qulovanyń tikeleı baqylaýy­men osy ba­ǵytta zańnamalyq másele­lerdi retteý jumystary áli de tabandy júr­gizilip jatyr. Sizderge máde­nıe­timizdiń ózekti máseleleri boıynsha janashyrlyq tanytyp, saýal jol­daǵandaryńyz úshin alǵys bildiremiz.

Sońǵy jańalyqtar