4 Jeltoqsan, 08:08 364 0 Rýhanııat Anar LEPESOVA

Jańa emle erejeleri boıynsha 380 oqytýshy daıyndyqtan ótti

 Sh.Shaıahmetov atyndaǵy «Til-qazyna» ulttyq ǵylymı-praktıkalyq ortalyǵy «Jańa álipbı: BAQ múmkindigi men máseleleri» taqyrybynda semınar ótkizdi.

– Mundaǵy maqsat – Mem­leket basshysy Qasym-Jomart Toqaevtyń halyqqa Joldaýynda aıtylǵan qazaq tili ultaralyq qatynas tili retinde qalyptasý baǵytynda jasalýǵa tıis ju­mys­tyń bir salasy – qazaq álip­bıin latyn grafıkasyna kóshi­rý barysynda, buqaralyq aqpa­rat quraldaryna jańa emle ere­jesin túsindirý jáne álipbı aýys­tyrýdaǵy BAQ qyzmetin aıqyndaý edi, – dedi ortalyq basshysy Álibek Asqar myrza.

Odan keıin semınarǵa qaty­sý­shylardy qazirgi tańda atqa­rylyp jatqan jumystar jaıly habardar etken Til saıasaty komıteti tóraǵasynyń orynbasary Aınur Myrzabekova, «Qazaq tili emlesiniń negizgi erejeleri» jobasy maquldanǵan kúnnen bas­tap elimiz kóleminde 380 tre­ner-oqytýshy daıyndyq kýrsynan ótkenin, sonymen qatar óńirlerde uıymdastyrylǵan dáristerge 1117 adam qatysyp, isti ońtaılandyrý úshin jańadan Qazlatyn.kz ulttyq portaly qurylǵanyn, úırenýshilerge ar­nal­ǵan elektrondy oqý qural­dary, beınerolıkter ázirlengeni jaıly málimdedi.

Mınıstrlik óki­liniń aıtýynsha, Prezıdent álipbıdi jetildirýge qatysty pikir bil­dir­gen kúnnen bas­tap, jeke adam­dar, til bilimi ǵa­lymdary men ártúrli sarapshylardan usynystar úzdiksiz kelip jatyr eken. «Olardy jınaqtap ult­tyq komıssııa janyndaǵy orfo­grafııalyq jumys tobynyń tal­qylaýyna usynyp jatyrmyz» dedi Aınur Aıypqyzy.

Sonymen bul retki semınar keńestiń alǵashqy baıandamasyn jasaǵan Sh.Shaıahmetov atyndaǵy «Til-qazyna» ulttyq ǵylymı-praktıkalyq ortalyqtyń ǵalym-hatshysy Anar Fazyljanova, jıynǵa qatysýshy baspasóz ókilderine buqaralyq aqparat quraldarynda kirme sózderi nemese shet tilderden engen ter­mın­derdi latyn-qazaq álipbıi boıyn­sha jazýdyń úlgi-ónegesin túsindirdi.

Sondaı-aq «Latyn álipbıin meńgerýdegi IT jobalary» at­ty taqyrypta keń tynysty ta­nys­tyrylym jasaǵan orta­lyq­tyń qoǵammen baılanys bas­qarmasynyń basshysy Móldir Baqytqyzy, Qazlatyn.kz ulttyq portaly negizinde jasalyp jat­qan ádistemelik jobalardy túsin­dirdi. Munda tildiń orfoepııa­sy, gramatologııasy qatarly zań­dylyqtardy saqtaýdyń ádis-tásil­deri, sonymen qatar til­di kompıýterlendirý jáne elektrondy aýdarý máseleleri kópshi­likke túsindirildi.

Sońǵy jańalyqtar