3 Jeltoqsan, 20:42 399 0 Zań Anar LEPESOVA

Túrmeden bosatylǵan «Almatymetroqurylys» basshysy Prezıdentten kómek surady

«Almatymetroqurylys» AQ basqarma tóraǵasy Qaırat Reımov ózine taǵylǵan aıyp «jalǵan» dep málimdedi.

Almatyda baspasóz máslıhatyn ótkizgen kásipker qarjylyq alaıaqtyq faktisiniń eshqandaı qısynǵa syımaıtynyn aıtyp, prezıdentten kómek surady. Ol zańsyzdyqtyń toqtatylýyn, sheshimniń ádil bolýyn surap, prezıdentke úndeý jasady, dep habarlaıdy "Astana" arnasy.

"Osy bolyp jatqan zańsyzdyqty toqtatsa. Ishki ister mınıstri Turǵymbaev myrza obektıvti túrde osy isti qarap tapsyrma berse, taǵy da basqa organdarǵa prokýrýtýraǵa tez arada zańdy jaýaptaryn berip, isti zań jaǵynan júrgizse. Naqtysy, azamattyq is bolǵan soń, eki bıznesmenniń arasyndaǵy daý bolǵan soń isti azamattyq sotqa jiberip, bul isti toqtatýdy suraımyn", - dep Q.Reımov Memleket basshysyna júgindi.

Eske sala keteıik, Qaırat Reımov qarjylyq alaıaqtyq jasady degen aıyppen 27 qarasha kúni ustalyp, tergeý ızolıatoryna jabylǵan. Búgin kásipkerdiń múlki kepilge qoıylyp, tergeý ızolıatorynan bosatyldy.

Daý 2014 jylǵy kelisimsharttan týǵan. Qaırat Reımov tanymal kásipker Dinmuhammed Idrısovtan 1,5 mlrd teńge qaryz alǵan. Kepil retinde "Almatymetroqurylys" kompanııasynyń 39 paıyz akııasyn salady. Biraq Reımov qarjylyq qıyndyqtarǵa baılanysty qarajatty qaıtara almaı, boryshyn óteý úshin jyljymaıtyn múlikterin usynǵanyn aıtty. Biraq ol kásipker "Almatymetroqurylystyń" 80 paıyz akııasyn talap etip otyrǵanyn málimdegen edi. Tipti quqyqqoraý organdarynan qysym kórgenin de habarlady.

 

Sońǵy jańalyqtar