3 Jeltoqsan, 17:50 380 0 Sport Anar LEPESOVA

Leonıd Ostroýshko dúnıeden ótti

Qazaq SSR eńbek sińirgen jattyqtyrýshysy, «Qaırat» fýtbol klýbynyń ardageri Leonıd Ostroýshko 83 jasqa qaraǵan shaǵynda qaıtys boldy, dep habarlaıdy  klýbtyń baspasóz qyzmeti. 

Ol fýtbolshy jáne tálimger retinde de ulttyq quramanyń jarqyn ókili boldy. Alty maýsymda Ostroýshko joǵary lıgada oınady, 200 match ótkizip, 8 gol soqty. Birinshi lıgada ótken 7 maýsymda Ostroýshko 55 ret gol soqty. Sonymen birge, 1957 jyly ol osy klýbtyń úzdik bombardıri atandy.

Leonıd Konstantınovıch uzaq jyldar boıy «Qaırat» fýtbol komandasyn jattyqtyrdy. 1986 jyly «Qaırat» KSRO chempıonattarynda KSRO joǵary lıgasynda 6-orynǵa ıe boldy. 1988 jyly almatylyq fýtbolshylar Keńes Odaǵynyń Federaııa kýbogyn jeńip aldy. 2003 jyly «Qaırat» Leonıd Konstantınovıchtiń jetekshiligimen Qazaqstan kýbogynyń bes dúrkin jeńimpazy atandy. «Qaırat» fýtbol klýby Leonıd Ostroýshkonyń týystary men jaqyndaryna qaıǵyryp kóńil aıtady.

 

Sońǵy jańalyqtar