3 Jeltoqsan, 12:11 467 0 Aımaq Anar LEPESOVA

Qyzylordadaǵy jol apaty: 6 adam aýyr halde jatyr

"Qyzylorda-Qumkól" tas jolyndaǵy apattan kóz jumǵandardyń sany 8 adamǵa jetti. Tótenshe jaǵdaı kezinde 22 adam zardap shekken, olardyń altaýy aýyr hálde oblystyq aýrýhanalarǵa jatqyzyldy.

Bul týraly búgin densaýlyq saqtaý mınıstri Eljan Birtanov málimdedi, dep habarlaıdy Sputnik Qazaqstan.

Mınıstrdiń aıtýynsha, "Qyzylorda-Qumkól" tas jolyndaǵy avtobýs apatynan 22 adam zardap shekken.

"Alty adam aýyr hálde oblystyq aýrýhanalarǵa jatqyzyldy, 16-sy aýyrlyǵy ortasha jaraqat alǵan", - dedi Birtanov úkimet kýlýarynda.

Budan bólek, jeti adam jeńil jaraqat alǵan. Paıentterge sanıtarlyq avıaııa brıgadalary usynylyp, barlyq qajetti kómek kórsetilýde.

"Paıentterdi respýblıkalyq ortalyqtarǵa aýystyrý qajet bolyp qalýy múmkin. Sondyqtan biz daıyndyq júrgizip jatyrmyz", - dedi mınıstr.

Eske sala keteıik, búgin tańǵy bester shamasynda "Qyzylorda-Qumkól" tas jolynda avtobýs aýdaryldy. Aldyn ala málimet boıynsha, júrgizýshi kóktaıǵaqtan rólge ıe bola almaı, aýdarylǵan.

Sońǵy derekterge súıensek, salonda 36 jolaýshy bolǵan. Segiz adam kóz jumyp, 22 jaraqat aldy. Avtobýsta tek Qazaqstan azamattary bolǵan, sheteldikter joq.

IIM ákimshilik polıııa komıtetiniń málimetinshe, avtobýs munaı kompanııasyna tıesili eken. Kóliktegi jolaýshylar Qumkólge jumysqa bara jatqan.

Oqıǵa ornynda polıııa, tótenshe jaǵdaı jáne medıınalyq qyzmet qyzmetkerleri jumys istep jatyr.

Jol apatyna qatysty Qylmystyq kodekstiń 345-baby 4-tarmaǵy "Kólik basqarǵan adamdardyń jol qozǵalysy nemese kólikti paıdalaný erejelerin buzýy" boıynsha sotqa deıingi tergeý bastaldy.

Avtobýs júrgizýshisi bes jyldan on jylǵa deıin bas bostandyǵynan aıyrylýy múmkin. Sondaı-aq, belgili bir laýazym atqarý nemese belgili bir qyzmetpen aınalysý quqyǵynan jeti jylǵa deıin aıyrylýy yqtımal.

Tótenshe jaǵdaıǵa baılanysty Qyzylorda oblysy TJD bazasynda jedel shtab quryldy. Qaýyrt jeli telefony jumys istep tur: 8 (7242) 24-41-61, 70-03-28.

 

Sońǵy jańalyqtar