1 Jeltoqsan, 19:04 369 0 Áleýmet Anar LEPESOVA

"Nurly jer": Eki mınıstrliktiń qyzmetkerleri baspanaly boldy

"Nurly jer" baǵdarlamasy boıynsha alǵashqy páterlerge QR DSM jáne BǴM qyzmetkerleri qol jetkizdi. Bul týraly "Qazaqstan Ipotekalyq Kompanııasynyń" baspasóz qyzmeti habarlady.

Tuńǵysh prezıdent kúni Aqtóbede "Nurly jer" memlekettik turǵyn úı qurylysy baǵdarlamasyn jáne "Qazaqstan Ipotekalyq Kompanııasy" IU" AQ men mınıstrlikter arasynda 2019 jylǵy maýsymda qol qoıylǵan memorandýmdy júzege asyrý aıasynda bilim berý jáne densaýlyq saqtaý salasy jumysshylaryna jańa páterler kiltin saltanatty tabystaý sharasy ótti.
Parlament Senatynyń tóraǵasy Darıǵa Nazarbaevanyń usynysymen Qazaqstan Ipotekalyq Kompanııasy dárigerler men muǵalimder tárizdi áleýmettik mańyzy bar mamandyq ókilderi úshin arnaıy turǵyn úıdi ıpotekalyq nesıeleý baǵdarlamasy daıyndalǵan edi. Bıyl jazda bizdiń kompanııa, Qazaqstan Respýblıkasynyń Densaýlyq saqtaý mınıstrligi men Bilim jáne Ǵylym mınıstrligi arasynda sáıkes kelisimderge qol qoıyldy. Búginde baǵdarlamanyń alǵashqy qatysýshylary – Aqtóbe qalasynyń turǵyndary – ózderiniń jańa páterleriniń kiltin aldy, - deıdi "Qazaqstan Ipotekalyq Kompanııasy" IU» AQ basqarma tóraǵasy Ádil Muhamedjanov.

Jańa qonystanýshylarǵa "Qarǵaly" turǵyn úı alaby, 200 úı, 1,2 korpýs mekenjaıy boıynsha ornalasqan, jalpy aýdany 1 579 sharshy metr 40 páter tapsyryldy. Bul páterlerdiń 17-si Marat Ospanov atyndaǵy Batys Qazaqstan medıınalyq ýnıversıtetinde jumys isteıtin QR Densaýlyq saqtaý mınıstrligi qyzmetkerlerine, 23 páter Bilim jáne ǵylym mınıstrliginiń Jubanov atyndaǵy Aqtóbe óńirlik memlekettik ýnıversıtetinde jumys isteıtin qyzmetkerlerine berildi.

Sharaǵa Aqtóbe qalasynyń ákimi Mavr Abdýllın, "Qazaqstan Ipotekalyq Kompanııasy" IU" AQ basqarma tóraǵasy Ádil Muhamedjanov QR Bilim jáne Ǵylym mınıstrliginiń jaýapty hatshysy Qanat Sársenbaev qatysty.

Jalpy alǵanda, muǵalimder men dárigerlerge arnalǵan satyp alý quqyǵy bar jaldamaly turǵyn úıdi qarjylandyrýǵa Kompanııanyń jeke jáne qaryzǵa alǵan qara jatynan shamamen 40 mlrd teńge bólinedi. 2020-jyldyń birinshi jarty jyldyǵynda Nur-Sultan, Almaty jáne Qaraǵandy qalalarynda páterlerdi úlestirý josparlanǵan.

Sońǵy jańalyqtar