1 Jeltoqsan, 09:48 381 0 Tulǵa Anar LEPESOVA

1 jeltoqsan – Táýelsizdik tarıhy bastalǵan kún

1 jeltoqsan - Qazaqstannyń Tuńǵysh Prezıdenti kúni. 1991 jyly dál osy kúni  búkilhalyqtyq saılaý nátıjesinde elimiz óziniń tuńǵysh Prezıdentin saılady jáne sol kúnnen Qazaqstannyń jańa tarıhy bastaldy. 

Ótkenge úńilsek, tarıhı saılaý bir kúnde, bir ǵana sátte bola salǵan joq. Aldymen 1991 jyldyń 16 qazanynda Joǵarǵy Keńes «Qazaq SSR Prezıdentin saılaý týraly» zańdy qabyldady. Osy zańmen birge 1991 jyldyń 1 jeltoqsanyn Qazaq SSR Prezıdentin saılaý kúni retindeı belgilegen qaýly da shyqty. Osylaısha Qazaqstan tarıhynda tuńǵysh ret Respýblıka basshysyn jalpyǵa birdeı, teń jáne tóte saılaý quqyǵy negizinde jasyryn daýys berý arqyly tańdaýǵa jaǵdaı jasaldy.

Al 1 jeltoqsan kúni - el tarıhyndaǵy tuńǵysh jalpyhalyqtyq saılaýǵa qatysqan halyqtyń 98,78 paıyzy Nursultan Nazarbaevqa daýys berip, Memleket basshysy retinde tańdaldy. 5 jeltoqsan kúni Ortalyq saılaý komıssııasy saılaýdyń sońǵy qorytyndysyn jarııa etti. Ol boıynsha respýblıkadaǵy 21 saılaý okrýgindegi saılaýshylar tizimine 9 961 242 azamat engizilgen. Onyń ishinde saılaýǵa 8 788 726 adam nemese 88,23% qatysty. Saılaý nátıjesi boıynsha Nursultan Nazarbaevty qoldap saılaýshylardyń 8 681 276-i daýys bergen, bul - saılaýǵa qatysýshylardyń 98,78 paıyzy . Osylaısha, Nursultan Nazarbaev barsha halyq saılaǵan Qazaqstannyń Prezıdenti mandatyn tuńǵysh ret ıelendi.

Tuńǵysh Prezıdent qyzmetine resmı kirisýi men Elbasynyń ant berý rásimi 1991 jyldyń 10 jeltoqsanynda ótti. Al osydan 6 kún ótkende Qazaqstan Respýblıkasy álemge óz Táýelsizdigin jarııalady.

2011 jylǵy 14 jeltoqsanda Memleket basshysy «Qazaqstan Respýblıkasyndaǵy merekeler týraly» Qazaqstan Respýblıkasynyń Zańyna tolyqtyrýlar engizý týraly» zańǵa qol qoıdy, onda 1 jeltoqsanda atap ótiletin jańa memlekettik mereke - Qazaqstan Respýblıkasynyń Tuńǵysh Prezıdenti kúnin belgileý kózdelgen bolatyn.

 

Sońǵy jańalyqtar