25 Qarasha, 14:56 447 0 Kólik Anar LEPESOVA

Jeltoqsandaǵy mereke kúnderi 4 baǵyt boıynsha qosymsha poıyzdar qatynaıdy

«Jolaýshylar tasymaly» kompanııasy jeltoqsan aıyndaǵy mereke kúnderi 4 baǵyt boıynsha qosymsha poıyzdar shyǵarady. Bul týraly kompanııanyń baspasóz qyzmeti habarlady. 

Poıyzdar Tuńǵysh Prezıdent kúni, QR Táýelsizdik kúni, Jańa jyl merekesi kúnderi júredi. «Almaty-2 – Shymkent» baǵyty boıynsha 12 reıs «Almaty-2-den» 28 qarasha kúni, jeltoqsan aıynyń 2, 5, 9, 12, 16, 19, 23, 26, 30 juldyzdary jáne 2020 jyldyń 2, 6 qańtar kúnderi shyqsa, sáıkesinshe Shymkent qalasynan 29 qarasha, 3, 6, 10, 13, 17, 20, 24, 27, 31 jeltoqsan jáne 3, 7 qańtar kúnderi keri baǵytta attanady.

«Almaty-2 – Túrkistan» baǵyty boıynsha 4 reıs «Almaty-2 –den» 28 qarasha jáne 5, 17, 24 jeltoqsan kúnderi, al Túrkistannan sáıkesinshe 29 qarasha jáne 6, 18, 25 jeltoqsan kúnderi keri baǵytta júredi.

«Mańǵystaý-Beıneý» baǵyty boıynsha kúnara Mańǵystaýdan 28 qarashadan bastap 2020 jyldyń 6 qańtaryna deıin jup kúnderi, al Beıneýden 29 qarashadan bastap 2020 jyldyń 7 qańtaryna deıin taq kúnderi júredi.

«Nur-sultan-Shý» baǵyty boıynsha «Tulpar-Talgo» vagondarymen jasaqtalǵan 2 reıs 31 jeltoqsannan bastap 2020 jyldyń 2 qańtaryna sheıin qatynaıdy.

Sondaı-aq, №712/711 «Nur-sultan-Nurly jol – Shymkent» kommerııalyq poıyzy 8 jeltoqsanynan bastap kún saıyn qatynaıtyn bolady. Poıyz kestesine qatysty suraqtar boıynsha, ulttyq tasymaldaýshynyń Biryńǵaı anyqtama qyzmeti «105» nómirine habarlasýǵa bolady (staıonarlyq telefonnan qońyraý tegin).

 

Sońǵy jańalyqtar