20 Qarasha, 21:50 258 0 Densaýlyq Anar LEPESOVA

100 teńge jutyp qoıyp, óńeshi bitelgen atyraýlyq búldirshin aman qaldy

Atyraýlyq dárigerler taǵy bir búldirshindi ajaldan aman alyp qaldy, dep habarlaıdy QazAqparat.

18 qarashada saǵat túngi eki shamasynda Atyraý oblystyq balalar aýrýhanasynyń qabyldaý bólimine 4 jasar bala tústi. Alǵashqy belgileri onyń jaǵdaıy aýyr ekenin aıqyndady. Balanyń óńesh joldary bitelip, tamaq júrýi toqtaǵan. Onyń óńeshine 100 teńgelik moneta turyp qalǵany anyqtaldy. Aýrýhananyń kezekshiliktegi dárigerleri endoskopıst Erbol Tólegenovti shuǵyl jumysqa shaqyrtqan. Ol jedel túrde endoskopııalyq qurylǵy kómegimen álgi monetany shyǵaryp aldy.

«Túngi ekiler shamasynda jumystan telefon shalyndy. Jaǵdaıdy túsingen boıda, dereý aýrýhanaǵa keldim. Júz teńgelik monetanyń dıametri kishkentaı bala turmaq, úlken adamnyń óńeshin bitep tastaı alady. Biraq, ata-anasynyń der kezinde habarlasýy sebepti, bizdiń mamandardyń der kezinde tıisti sharalardy júzege asyrýy arqasynda, qajetti medıınalyq proedýra júzege asyrylyp, balany aman alyp qaldyq. Qazir, balanyń jaǵdaıy jaqsy», - dedi dáriger Erbol Tólegenov.

«Balamnyń teńgeni qaı kezde jutyp qoıǵanyn bilmeımin, bir biletinim, bet álpeti ózgerip, jaǵdaıy nasharlaı bastaǵanda jedel járdem shaqyrdym. Áıteýir, aman alyp qaldy balamdy. Sol sebepti, dereý kelgen jedel járdem qyzmetkerlerine de, tıisti em-domyn jasaǵan balalar aýrýhanasy dárigerlerine de alǵysym sheksiz», - deıdi búldirshinniń anasy.

Sońǵy jańalyqtar