19 Qarasha, 21:32 356 0 Qaýipsizdik Anar LEPESOVA

1 myńnan astam sheteldik Qazaqstan azamaty atanýǵa nıetti

Qazaqstan Respýblıkasy Prezıdentiniń janyndaǵy Azamattyq máseleleri jónindegi komıssııanyń otyrysy ótti, dep habarlaıdy Aqorda.

Búgin Aqordada Qazaqstan Respýblıkasynyń Memlekettik hatshysy Qyrymbek Kósherbaevtyń tóraǵalyǵymen Qazaqstan Respýblıkasy Prezıdentiniń janyndaǵy Azamattyq máseleleri jónindegi komıssııanyń otyrysy ótti. Otyrysta Qazaqstan azamattyǵyn alýǵa jáne odan shyǵýǵa nıet bildirgen tulǵalardyń ótinishteri qaraldy.

Komıssııa otyrysynyń qorytyndysy boıynsha Memleket basshysynyń qaraýyna TMD elderi jáne alys shet elderden kelgen 1 084 túrli ult ókilderiniń elimizdiń azamattyǵyn qabyldaý týraly usynysy engizildi. Sonymen qatar kóshi-qon saıasatynyń basqa da máseleleri qaralyp, tıisti sheshimder qabyldandy.

 

Sońǵy jańalyqtar