19 Qarasha, 21:27 284 0 Áleýmet Anar LEPESOVA

Ile Alataýyndaǵy jóndeýden ótken keshendi týrıster qıratyp ketti

Týrıster Ile Alataýy ulttyq parkinde qaıta jóndelgennen keıin iske qosylǵan ystyq sý keshenin qıratty. Bul týraly ulttyq parktiń Facebook -tegi paraqshasynda habarlandy. 

«Mádenıetsiz adamdardyń mádenı demalysy... Jaqynda ystyq sý kesheni qaıta jańǵyrýdan soń ashylǵan bolatyn. Týrızm týraly qalaı sóz aıtýǵa bolady degen suraq týady. 2 aptanyń ishinde adamdar sonsha qarajat pen ýaqyt jumsalǵan keshendi qıratty», - delingen áleýmettik jelidegi jazbada.

Bul keshen 2016 jyly demeýshi kásipkerlerdiń kómegimen ashylǵan. «Eń alǵash paıdalanýǵa berilgen kúnderi adamdar qırata bastady. Sol kezde kamera ornattyq. Vandalızm toqtaǵan sııaqty edi. Ol jerden bótelke, temeki qaldyqtaryn kórýge bolady», - dedi demeýshilerdiń biri Sergeı Spıyn.

Keıin keshen qaıta jóndeýge jabylǵan. Áleýmettik jelide jarııalanǵan jazbadan soń sýǵa túsetin bóshke men dýsh kabınasy qalpyna keltirildi. Almaty ákimdiginiń kómegimen sý keshenine jaryq tartylatyn boldy.

 

Sońǵy jańalyqtar