19 Qarasha, 15:39 401 0 Qoǵam Anar LEPESOVA

«Halyqtyń súıiktisi - 2019» ulttyq syılyǵynyń ıegerleri anyqtaldy

«Halyqtyń súıiktisi - 2019» ulttyq syılyǵynyń daýys berý qorytyndysy bekitilip, jeńimpazdardyń esimi jarııalandy. 

Laýreattar tizimi mynadaı:

«Jyldyń úzdik mádenıet qaıratkeri» - qazaq ánshisi, kompozıtor Dımash Qudaıbergen;

«Jyldyń úzdik muǵalimi» - Nur-Sultan qalasyndaǵy ekonomıkalyq lıeıdiń pedagogy Erbol Árenov pen Batys Qazaqstan memlekettik ýnıversıtetiniń prorektory Túımesh Dárisheva;

«Jyldyń úzdik dárigeri» - QR PIB №1 MOA hırýrgııa bólimshesiniń meńgerýshisi, medıına ǵylymdarynyń doktory, professor Talapbek Ájenov;

«Jyldyń úzdik sportshysy» - tanymal qazaq dzıýdoshy, Rıo-de Janeıro-2016 Olımpıada oıyndarynyń kúmis júldegeri Eldos Smetov;

«Jyldyń úzdik sportshy qyzy» - Mánerlep syrǵanaýdan 2019 dylǵy álem chempıonatynyń kúmis júldegeri Elızabet Tursynbaeva;

«Jyldyń úzdik parlamentarııi» - QR Parlamenti Májilisiniń depýtaty Nurjan Áltaev;

«Jyldyń úzdik telejúrgizýshisi» - «KTK» telearnasynyń «Daý-damaısyz» baǵdarlamasynyń júrgizýshisi, jýrnalıst Gúlmıra Ábiqaı;

«Jyldyń úzdik pýblıısi» - 30 kitap avtory, pýblııst Baqytqoja Rústemov;

«Jyldyń úzdik aqparattyq ınternet-basylymy» - «Informburo.kz;

«Blog salasynyń kóshbasshysy» - Facebook blogeri Samat Nurtaza;

«Jyldyń úzdik trevel-blogeri» - bıznesmen, Nur-Sultan qalalyq máslıhatynyń depýtaty Mıras Shekenov;

«Jyldyń úzdik kásipkeri» - «Gormolzavod» JShS-nyń bas dırektory Asen Jaqsalyqov;

«Jyldyń úzdik áleýmettik belsendisi» - ekolog Shasalım Shagalımov;

«Jyldyń úzdik vaıneri» - Serǵazy Toqtarbek (Seka Vines).

Munan bólek, syılyq tóreshileriniń sheshimimen «Altyn dáýir» arnaıy syılyǵy tanymal qazaq kompozıtory, memleket qaıratkeri Tólegen Muhamedjanov pen Sport komıtetiniń burynǵy tóraǵasy Anatolıı Qulnazarovqa berildi.

Qazaqstandyq «Respýblıka-Aımaq-Damý» qoǵamdyq qory 2011 jyly bekitken ulttyq syılyq qoǵamda tanymal adamdar men uıymdarǵa beriledi. Daýys berý úsh kezeńnen turdy. Alǵashqysy – aldyn ala kezeń (usyný) bolsa, birinshi kezeń – Facebook jelisi arqyly júrgizilip, al sońǵy kezeń saıttyń resmı saıtynda ótti.

 

Sońǵy jańalyqtar