19 Qarasha, 11:16 306 0 Áleýmet Anar LEPESOVA

15 jasynda ýnıversıtet bitiretin qazaq výnderkındi jaıly ne bilemiz?

Qazaq-Brıtan tehnıkalyq ýnıversıtetiniń III kýrs stýdenti 14 jastaǵy Abzal Myrzash keler jyly bakalavr dıplomyn alady.

«Sońǵy kúnderi búkil álem toǵyz jasar belgııalyq Loran Sımonstyń erekshe daryny jaıly pikir talastyrýda. Elektrotehnıka boıynsha bilim alyp jatqan jas daryn jer júzin aýzyna qaratyp, tez oqý qabiletimen jurtty tań qaldyrýda. Bizdiń elde de sondaı daryndy balalar jeterlik. Solardyń biri Qazaq-Brıtan tehnıkalyq ýnıversıtetiniń III kýrs stýdenti 14 jasar Abzal Myrzash keler jyly bakalavr deńgeıin alady», - dep Bilim jáne ǵylym mınıstrliginiń Facebook paraqshasynda jarııalandy.

Jas danyshpan osy kúnge deıin negizgi mamandyǵymen qatar, birneshe ózge salalar boıynsha bilim alýda. Aqparattyq tehnologııalar baǵytynda izdenis ústinde júrgen Abzal JOO-dan keıin Massachýsets tehnologııalyq ınstıtýtynyń magıstratýrasyna túsýdi maqsat etken.

Sońǵy jańalyqtar