19 Qarasha, 11:06 273 0 Áleýmet Anar LEPESOVA

11-synyp oqýshysy qorada asylyp qalǵan

Batys Qazaqstan oblysynda 11-synyp oqýshysy ózine qol jumsady. Ol óz úıiniń aýlasyndaǵy qorada asylyp qalǵan. Bul týraly  «Moı GOROD» portaly habarlady.

Oqıǵa qarashanyń 13-ine aýǵan túni Jańaqala aýdanynda oryn alǵan.

Aýdandyq bilim bólimindegilerdiń málimetinshe, jasóspirim Jańaqala aýlyndaǵy Júnisov atyndaǵy mekteptiń 11-synybynda oqyǵan.

«Jasóspirim túnde óz úıiniń aýlasyndaǵy qorada asylyp qalǵan. Ákesi túngi aýysymnan kelip, malǵa jem berý úshin qoraǵa kirgende, balasynyń denesin kórgen. Bul kezde anasy Oralda emdelip jatqan. Onyń nelikten mundaı qadamǵa barǵany ázirge belgisiz. Jaqsy otbasydan shyqqan. Ata-anasynyń 5 balasy bar. Sol kúni úıinde de, mektepte de eshqandaı janjal bolmaǵan», - deıdi bilim bólimindegiler.

Sonymen qatar aýdandyq bilim bólimindegiler jasóspirimniń jaqsy oqyǵanyn jáne UBT tapsyrýǵa daıyndalyp júrgenin aıtty. Ol hat jazyp qaldyrmaǵan.

Sońǵy jańalyqtar