19 Qarasha, 10:54 320 0 Jahan Anar LEPESOVA

Dúnıe júzinde 7 mln bala qamaýda otyr

Búginde 7 mıllıonnan astam bala bostandyǵynan aıyrylǵan. Olar túrmede, ımmıgranttardy qabyldaıtyn ortalyqtarda jáne ózge de jabyq mekemelerde otyr, dep habarlaıdy QazAqparat BUU-nyń resmı saıtyna silteme jasap.

Birikken Ulttar Uıymy Global Campus of Human Rights uıymymen birlesip ótkizgen zertteý nátıjesi qalyptasqan ahýal Bala quqyqtary jónindegi konvenııanyń prınıpterine kereǵar etetin kórsetken. Bul halyqaralyq kelisimsharttyń qabyldanǵanyna qarasha aıynda 30 jyl bolady.

Saýalnamalar barysynda anyqtalǵandaı, jabyq mekemelerge kóbine halyqtyń kedeı sanatynan, dinı azshylyq toptardan shyqqan balalar, mıgranttar, bosqyndar men múgedek-balalar túsedi. Denin ata-analary tastap ketken nemese olardan tartyp alǵan. Sarapshylar atap ótkendeı, kóshege túsken olar zorlyq-zombylyq qurbanyna aınalady nemese eńbek quldyǵyna aınalady.

«Kem degende 410 myń jasóspirim men balalar zorlyq-zombylyq qalypty jaǵdaı sanalatyn túrmelerde nemese tergeý ızolıatorlarynda otyr. Olardyń kóbine sabaqtan qashý, tártipke baǵynbaý jáne alkogol ishý kinálary taǵylǵan. Taǵy mıllıon bala qandaı da bir mán-jaıdy anyqtaý úshin polıııa ýchaskelerine jetkizilgen. Odan bólek, jyl saıyn 80 elden 330 myń bala mıgranttardy qabyldaıtyn ortalyqtardy panalaıdy. Bes mıllıonnan astamy túrli úlgidegi jabyq mekemelerge toǵytylǵan. Sonymen qatar, sońǵy ýaqytta qarýly qaqtyǵystarmen baılanysty nemese ulttyq qaýipsizdikti qorǵaý turǵysynda túrmege túsetin kámeletke tolmaǵandardyń sany artýda», - delingen BUU saıtynda.

Málim etilgendeı, bostandyqtan aıyrý densaýlyǵyndaǵy kinárattardy órshitip, jańa problemalar týyndatady: depressııa, travmadan keıingi sındrom, sýııd týraly oılar.

«Ǵalymdar anyqtaǵandaı, balalardy túrmede ustaý men bostandyqqa shyqqannan keıingi óliminiń arasynda baılanys bar», - dedi uıymnan. Zertteý barysynda bul máselede azdaǵan oń ózgeris bary anyqtalǵan. Biraq balalardy jabyq mekemelerde ustaý sharalaryna alternatıva tabý qajettigi atap ótiledi.

 

Sońǵy jańalyqtar