18 Qarasha, 16:53 297 0 Rýhanııat Anar LEPESOVA

Mańǵystaýda Murat Óskinbaıulynyń 115 jyldyǵy atalyp ótti

Mańǵystaýda kúıshi, sazger, jyrshy, aqyn Murat Óskinbaıulynyń 115 jyldyǵyna arnalǵan «Kúıge kenen jyr-sandyq» atty eske alý konerti ótti.

Shara aqynnyń aty berilgen Mańǵystaý oblystyq fılarmonııada ótti. Konert Abyl Taraquly atyndaǵy qazaq orkestrniń oryndaýyndaǵy kúıshiniń «Óren» atty kúıimen bastaldy. Keıin sazgerdiń ómirbaıany men óner joly baıandalyp, arty murattanýshy, mýzyka zertteýshi Aıtbergen Jańbyrshynyń Óskinbaevtar áýleti týraly «Kúı qonyp, kıe daryǵan áýlet» kitabynyń tusaýkeserimen jalǵasty.

«1978 jyly alǵashqy dıplomdyq jumysym Murat Óskinbaıuly týraly bolǵan-dy. Sazgerdi men tórt jyl boıy zerttedim. Dıplomymdy qorǵaǵannan keıin, zertteýdi aqynnyń ózine apardym. Qatty qýandy. «Men týraly kitap jazýyńa bolady ǵoı dedi», - dep avtor kitap tarıhynan syr shertti. Onyń aıtýynsha, eńbek biraz jyl basylymdarǵa jetpeı, jaryqqa shyǵýy keıinge shegerile bergen.

Kitaptyń tusaýyn oblys ákiminiń orynbasary Qanybek Jumashev, qoǵam qaıratkeri Alqajan Medeluly, Murat Óskinbaıulyń uly Ázirbaı Óskinbaev jáne avtordyń ózi kesti.

M-rat-skinbaj-lyny-115-zhyldy-y-3.jpg

«Álem mádenıet qorjynyna 300-den astam kúı salǵan, Jambyl atyndaǵy Qazaq memlekettik fılarmonııa men «Qazaqkonert» birlestigine óz qoltańbasyn qaldyrǵan Murat Óskinbaıuly kúıshilerdiń biregeıi edi. Onyń jalpy túrkilik mýzykanyń bilgir oryndaýshysy bolǵan fenomendigi óz aldyna bólek áńgime. Al myna kitap oqyrmandardyń kóńilinen shyǵady dep senemiz. Oqyrmany kóp bolsyn!»- dedi Q.Jumashev.

Tusaýkeserden keıin merekelik konert kúıshiniń ákesi Óskenbaı Qalmanbetulynyń kúıleri: «Bulbul Aqjeleń», «Jeti Bulbul», Mamyrtaı rýynan shyqqan Aısha atty bıshiniń ónerine arnalǵan «Kerbez Aısha», sazgerdiń kúıleri: «Qazaqstan», tolyq nusqasynyń Mańǵystaýda saqtalýyna demeý bolǵan «Aqsaq qulan Joshy han», «Órleý», Uly Otan jeńisine arnaǵan «Jeńis», sondaı-aq halyq kúıleri: «Qaqpaly naýaıy», «Bala noǵaı sazy» oryndaldy.

M-rat-skinbaj-lyny-115-zhyldy-y-5.jpg

Bul shyǵarmalardy Qazaqstan Respýblıkasynyń eńbek sińirgen qyzmetkeri, «Qurmet» ordeniniń ıegeri Serjan Shákirat, QR Eńbek sińirgen ártisi Roza Aıdarbaeva jáne QR eńbek sińirgen qaıratkeri, dırıjer Rahat Madreev sekildi óner maıtalmandary oryndady. Murat Óskinbaıuly – qazaq kúıiniń óneriniń dúldili, Mańǵystaýdyń kúıshilik jáne jyraýlyq ónerin jalǵastyrýshy, sazger, aqyn.

1903 jyly Mańǵystaý oblysynyń Qaraqııa aýdany, Qaraqııa oıpatynyń kún shyǵys jazyq betindegi Jetibaı eldi mekeninde (qazirgi Munaıly aýdany, Jetibaı eldi mekeni) «Adaıdyń jeti qaıqysynyń» biri bop atanǵan Óskinbaı Qalmambetuly otbasynda dúnıe kelgen. Almatyda Jambyl atyndaǵy Qazaq memlekettik fılarmonııada, keıin «Qazaqkonertte» qyzmet atqarǵan, QazaqSSR-iniń «I dárejeli dombyrashysy», sońǵy jyldaryn Mańǵystaýda ótkizgen kúıshi 1982 jyly 29 qańtarda dúnıeden ótedi.

M-rat-skinbaj-lyny-115-zhyldy-y-1.jpg

2008 jyly Mańǵystaý oblystyq fılarmonııaǵa sazgerdiń esimi berildi. 2004 jyldan beri ár eki jyl saıyn ótetin Murat Óskinbaıuly atyndaǵy Respýblıkalyq baıqaý óz bastaýyn aldy. 2018 jyly saıysqa Ázirbaıjan, Ózbekstan, Qyrǵyzstan elderinen ónerpazdar qatysyp, baıqaý halyqaralyq deńgeıde ótkizildi. Konertte Jumabek Qadyrqulov, Ǵazıza Uzaqbaeva, Abylaı Tilepbergenov sekildi saıys jeńimpazdary kúıshiniń ónerine qurmet bildirip, «Adaı» kúıin oryndady.

Sońǵy jańalyqtar