18 Qarasha, 22:46 326 0 Tulǵa Anar LEPESOVA

Elordada Qanysh Sátpaevtyń eskertkishi boı kóteredi

Bas qalada ǵalym, akademık jáne geolog Qanysh Sátpaevtyń qurmetine eskertkish qoıylady, dep habarlady Elorda Info.

«Nur-Sultan qalasynda Qanysh Sátpaevtyń, al Pavlodarda Abaı men Estaıdyń eskertkishteri ornatylady. Pavlodar oblysynyń ákimi Bolat Baqaýovtyń tóraǵalyǵymen oblystyq tarıhı-mádenı muralaryn qorǵaý jáne paıdalaný jónindegi komıssııanyń otyrysy ótti. Pavlodarlyq belgili músinshiler, sýretshiler, arheologtar, memlekettik qyzmetkershilerden turatyn sarapshylardyń nazaryna elimizdiń ataqty músinshilerinen 28 joba usynyldy», - dep jazylǵan Pavlodar qalalyq ákimdiginiń Facebook paraqshasynda.

Habarlamada aıtylǵandaı, músinshilerdiń qatarynda Nur-Sultan, Almaty, Aqtóbe, Qaraǵandy jáne Máskeýden kelgen sheberler bar.

«Jumys avtorlaryna Qanysh Sátpaevtyń Otanyna sheksiz súıispenshilik, Abaı Qunanbaevtyń fılosofııalyq oıynyń tereńdigi jáne Estaı Berkimbaevtyń janynyń lırıkasyn kórsetý mindettelgen. Kezdesý qorytyndysy boıynsha bolashaq monýmentter jobalarynyń úzdik nusqalary irikteldi», - delingen habarlamada.

Endigi ýaqytta irikteýden ótken jobalar QR-da ornatylatyn eskertkishter men monýmentter jónindegi memlekettik komıssııasynyń qaraýyna beriletin bolady.

Sońǵy jańalyqtar