18 Qarasha, 19:05 316 0 Qoǵam Anar LEPESOVA

Turǵyn úı qurylysyna bólingen qarjyny ıgere almaǵan qaı óńirler?

Qarjyny tıimdi paıdalana almaǵan aımaqtar aqshany qaıtarýdy kózdep otyr. Olar: Túrkistan, Batys Qazaqstan, Qaraǵandy oblystary. 

Al, jalǵa beriletin baspanalar boıynsha jobalardy iske asyrý kezinde Pavlodar, Mańǵystaý, Atyraý oblystarynyń ákimdikteri bólingen qarajatty tolyq ıgermegen, dep habarlaıdy  "Almaty" arnasy. 

Elimizdiń ındýstrııa jáne ınfraqurylymdyq damý mınıstri Beıbit Atamqulovtyń aıtýynsha, respýblıka boıynsha jyldyq jospar 13 mıllıon sharshy metrdi quraıdy. Degenmen, 10 aıdyń qorytyndysyna saı Nur-Sultan qalasynda turǵyn úıdi paıdalanýǵa berý qarqyny 35,8 paıyzǵa tómendegen. Sonyń saldarynan, dittegen mejege jete almaý qaýpi bar.

Jaýapty vedomstvo basshysynyń aıtýynsha, bıyl turǵyn úılerdi ýaqytyly paıdalanýǵa berý úshin qurylys alańdaryna ınjenerlik-kommýnıkaııalar ótkizýge 77,3 mıllıard teńge bólindi. 10 aıdyń qorytyndysy boıynsha, qarjylandyrý josparyna sáıkes óńirlerge shamamen 60 mıllıard teńge aýdaryldy. Onyń 56,3 mlrd teńgesi ıgerildi. Al, qarjyny tıimdi paıdalana almaǵan aımaqtar aqshany qaıtarýdy kózdep otyr eken.

Sońǵy jańalyqtar