18 Qarasha, 19:01 314 0 Saıasat Anar LEPESOVA

Prezıdent osydan 28 jyl burynǵy tarıhı oqıǵany eske aldy

Qasym-Jomart Toqaev óziniń Tvıtter paraqshasynda osydan týra 28 jyl buryn mańyzdy qujattyń qabyldanǵanyn eske saldy. 

«18.11.1991j. N.Nazarbaevtyń bastamasymen sheteldegi qandastarymyzdy elge kóshirý týraly QazSSR Úkimetiniń qaýlysy qabyldandy. Bul qandastarymyzdyń tarıhı Otanyna oralýyna múmkindik bergen mańyzdy qujat boldy. 1991 j. beri Qazaqstanǵa 1 mln. astam qazaq kóship keldi», - dep jazdy Memleket basshysy.

18.11.1991j. N.Nazarbaevtyń bastamasymen sheteldegi qandastarymyzdy elge kóshirý týraly QazSSR Úkimetiniń qaýlysy qabyldandy. Bul qandastarymyzdyń tarıhı Otanyna oralýyna múmkindik bergen mańyzdy qujat boldy. 1991 j. beri Qazaqstanǵa 1 mln. astam qazaq kóship keldi.

Aıta keteıik, bıyl qyrkúıek aıynda memleket basshysy «oralman» degen ataýdan bas tartý qajettigin jetkizgen edi.

«Buǵan deıin aıtqanymdaı, tarıhı otanyna oralǵan qazaqtardy «oralman» dep ataýdan bas tartyp, «qandas» termınin paıdalanǵanymyz jón. Jeti atasyn biletin halyqqa «qandas» degen uǵym jarasady», - dep jazdy Toqaev.

Qazaqstanǵa qaıtyp kelgen qazaqtardy «oralman» dep ataýdan bas tartý kópten beri qoǵamda talqylanyp júr. Bul sózdiń ornyna «qandas», «baýyrlas» degen termınderdi qoldaný qajet degen pikir bar. Osy másele parlamentte de kóterilgen edi.

Sońǵy jańalyqtar