18 Qarasha, 14:26 308 0 Saıasat Anar LEPESOVA

Memlekettik qyzmetshiler aýyldyq ákimdikterge jiberiledi

Aýyldy jerlerde ákimdikte jumys isteıtin mamandar tapshy. Osyǵan baılanysty Ulttyq ekonomıka mınıstri Rýslan Dálenov memlekettik qyzmetshilerdi "Dıplommen aýylǵa" baǵdarlamasyna qosýdy usyndy, dep habarlaıdy Sputnik

"Aýylda kadr jetispeýshiligin sheshý úshin memlekettik qyzmetshilerdi "Dıplommen aýylǵa" jobasyna qosýdy usynamyz. Barlyq usynystar biz ázirlep jatqan zań jobasynda qarastyrylady", - dedi Dálenov májiliste ótken úkimet saǵatynda.

Resmı málimetke sáıkes, aýyldyq ákimdikterde 450 oryn bos tur. Kadr jetispeýshiligi barynsha baıqalady. Al memlekettik qyzmetshiler jalaqynyń tómendigin syltaý etip, aýylǵa barǵysy kelmeıdi.

"Aýylǵa baratyn mamandardy qoldaý qajet. "Dıplommen aýylǵa" baǵdarlamasynda memlekettik qyzmetshiler bolýy tıis. Osy baǵdarlama 2009 jyldan bastap qolǵa alyndy. Sodan beri 60 myńnan astam maman qoldaý tapty. Sonyń ishinde 27 myńnan asa maman turǵyn úı alǵan. Aýylǵa keletin mamandarǵa 250 000 myń teńge kóleminde kóterme járdemaqy jáne turǵyn úı alýǵa 4 mıllıon teńgege deıin 0,01 proentpen kredıt beriledi", - dep atap kórsetti Dálenov.

Mınıstrdiń sózine qaraǵanda, jyl saıyn "Dıplommen aýylǵa" baǵdarlamasyna respýblıkalyq bıýdjetten 14 mıllıard teńge bólinip turady. Prezıdenttiń tapsyrmasy boıynsha kelesi jyldan bastap qarjylandyrý kólemi 20 mıllıard teńgege deıin ósedi.

 

Sońǵy jańalyqtar