18 Qarasha, 10:59 306 0 Qaýipsizdik Anar LEPESOVA

Qazaqstanda sút sapasyna talap kúsheıedi

Qaraǵandy oblysyndaǵy eń iri sút zaýyty Kedendik odaqtyń jańa erejesine daıyn, habarlaıdy «Habar 24».

2020 jyldyń 1 qańtarynan bastap elimizde sút sapasyna talap kúsheıedi. Iaǵnı otandyq zaýyttar Kedendik odaqtyń tehnıkalyq reglamentine sáıkes kelmeıtin sútti endi qabyldaı almaıdy. Aqtyń quramynda adam aǵzasyna zııan keltiretin zat bolmaýy tıis. Al bizde zaýytqa qajetti shıkizattyń 70 proenti aýyl-aımaqtan jınalady. Onyń teń jartysy ókinishke qaraı jańa talapqa saı emes. Sondyqtan zaýyttar sút tapshylyǵyn tartýy múmkin. Bul ásirese, shaǵyn kásiporyndardyń jumysyna tusaý bolady. Al iri zaýyttar buǵan erte qamdanypty. Aıtalyq, qazir óńirde 30-ǵa jýyq sút qabyldaıtyn arnaıy beket ashylǵan. Munda turǵyndar tapsyratyn súttiń sapasy muqııat tekseriledi. Mıkrobıologııalyq, somatıkalyq kórsetkishteri anyqtalady.

– Sút qabyldaý beketteriniń barlyǵynda shıkizattyń sapasyn tekseretin kásibı mamandar otyrady. Olar aqty tek qabyldap qana qoımaı, turǵyndarǵa aqparattyq túsindirme jumystaryn da júrgizedi. Sebebi odaqtyń jańa talaby birinshi kezekte saýynshylarǵa tikeleı qatysty. Sıyrdy saýǵan kezde qarapaıym tazalyq erejelerin saqtaý kerek. Sonda eshqandaı másele týyndamaıdy, - deıdi sút óndiretin kompanııanyń basqarýshy dırektory Sáýle Jankına.

Sońǵy jańalyqtar