18 Qarasha, 10:37 297 0 Bilim Anar LEPESOVA

Qaldyqtardan plastkirpish jasap shyǵarǵan atyraýlyq oqýshy ınvestor izdestirýde

Atyraý qalasyndaǵy Nazarbaev zııatkerlik mektebiniń 10 synyp oqýshysy Ermek Keńesov qurylys materıalynyń jańa túrin – plastkirpishti oılap tapty. Qazirgi tańda oqýshy plastkirpishti keń kólemde óndirýdi josparlaýda, dep habarlaıdy "Moı gorod".

Jasóspirimniń sózinshe, plastıkalyq qaldyqtardyń ekologııaǵa degen keri áserin azaıtý úshin ol bul máseleni sheshýdiń ózindik tásilin oılap taýypty.

Alǵashynda jas ónertapqysh plastıkalyq zattardyń fızıkalyq jáne hımııalyq quramy týraly aqparattardy saraptaýdan ótkizgen. Sodan keıin ol plastıkalyq qaldyqty úgitetin gıdravlıkalyq qurylǵyny jasap shyǵarypty. Artynsha, paıda bolǵan ónimniń fızıkalyq qasıetteri tekserilip, onyń qurylys materıaly bola alatyndyǵy anyqtalǵan.

«Synaqtyń nátıjesinde plastkirpishtiń sýyqqa tózimdiligi, sý ótkizbeıtnigi jáne beriktigi kádimgi kirpishten kem túspeıdigi aıqyndaldy», - dedi Ermek Keńesov.

Búgingi kúni bul qurylys ónimin keń kólemde aınalymǵa ótkizý josparlanǵan. Ol úshin ónertapqysh-oqýshy qajetti ınvestıııa, shyǵyndar men kirister kórsetilgen bıznes-jospar da jasap qoıypty.

Sońǵy jańalyqtar