18 Qarasha, 09:48 318 0 Kólik Anar LEPESOVA

Nur-sultanda bir aı boıy jolaqy quny 45 teńge bolady

Nur-sultan turǵyndary men qala qonaqtary qoǵamdyq kólik qyzmeti úshin bir aı 45 teńgeden tóleýge múmkindik aldy. 

«Jolaqyny 50% jeńildikpen SMS jáne QR-kod arqyly tóleı alasyz. Akııa 18 qarashadan bastalyp, 18 jeltoqsanǵa deıin jalǵasady», - dep málim etti «Astana LRT» kompanııasynan.

Mundaı akııany uıaly baılanys operatorlarynyń biri usynyp otyr. Atap aıtqanda, tólemdi SMS nemese QR-kod arqyly jasaǵan kezde telefon nómirinen jol júrý bıletiniń tolyq somasy – 90 teńge shegeriledi. Keıin balansqa 45 teńge qaıtarylady. Jolaqyny tóleý úshin shotta kem degende 91 teńge bolýy tıis.

«45 teńgemen avtobýsta kúnine eki ret júre alasyz. Al úshinshi jáne odan arǵy saparlaryńyz úshin standartty – 90 teńge tóleısiz. Akııa tek qalalyq baǵyttarda júredi. Baǵasy 180 teńge bolatyn ekspress-marshrýttarda, sondaı-aq aqysy 90, 200, 300 jáne 400 teńgelik qalamańy marshrýttarynda jeńildik qarastyrylmaǵan», - dep naqtylady «Astana LRT»-dan.

 

Sońǵy jańalyqtar