17 Qarasha, 13:12 268 0 Áleýmet Anar LEPESOVA

Rólde otyryp uıyqtap ketken: Almatyda mas áıel jaıaý júrginshini qaǵyp, mert qyldy

Almatyda mas kúıinde rólge otyrǵan áıel jaıaý júrginshini qaǵyp ketti. Bul týraly  "Terrıtorııa proısshestvıı" baǵdarlamasy habarlady. 

Jol-kólik oqıǵasy MEGA Alma-Ata SOO-ǵa qarama-qarsy jolda bolǵan.

Kýágerlerdiń aıtýynsha, Hyundai avtokóligi Rozybakıev kóshesiniń boıymen ońtústik baǵytta qozǵalyp kele jatqan. Kólik tizgininde 1992 jylǵy áıel otyrǵan.

Boljam boıynsha, ol uıyqtap qalyp, kólik jol jıegine shyǵyp ketip, saýda oıyn-saýyq ortalyǵynyń avtoturaǵyna kire beriste jaıaý júrginshini qaǵyp ketti. Oqıǵa saldarynan júrgizýshi jeńil jaraqat aldy, al jaıaý júrginshi oqıǵa bolǵan jerde kóz jumdy.

Medıınalyq tekseristen keıin áıeldiń mas bolǵany anyqtaldy.

Qaıtys bolǵan er adamnyń ózimen qujattary bolmaǵan, sondyqtan onyń kim ekeni áli anyqtalyp jatyr.

Sońǵy jańalyqtar