16 Qarasha, 13:36 266 0 Zań Anar LEPESOVA

Alaıaq áıel qarjy pıramıdasyn quryp, azamattardyń 60 mln teńgesin jymqyrǵan

Nur-sultan qalasynyń quqyq qorǵaýshylary azamattardy qarjy pıramıdasynan saq bolýǵa shaqyrady.

Qalalyq Polıııa departamentiniń habarlaýynsha, qazirgi ýaqytta saqshylar qarjy pıramıdasyn qurdy degen kúdikpen qala turǵynyn (áıel) jáne onyń birneshe sybaılasynyń ústinen is júrgizip jatyr. Oǵan 30 salymshynyń polıııaǵa aryzdanýy sebep bolyp otyr.

WhatsApp arqyly «Realnye dohody 1», «Realnye dohody 2» jáne «Trıýmf» chattaryn qurǵan áıel astanalyqtar men basqa da óńirlerde turatyn azamattardyń aqshasyn jınap alǵan.

«Azamattardyń senimin, qarjylyq saýatynyń azdyǵyn paıdalanyp, kúdikti olardy bul jobadan eshqandaı qaýip joqtyǵyn aıtyp sendirgen. Jobaǵa aqsha salǵan adam 5-15 kúnniń ishinde 100 paıyzdyq kiriske ıe bolatynyn alǵa tartqan. Azamattar osylaısha, jobaǵa 20 myń teńgeden 2 mln teńgege deıin aqsha salǵan. Salymshylardyń basym kópshiligi aqshasyn qaıtara almaǵan», – dep habarlady departamentten.

Osylaısha, tergeý nusqasyna saı, ákki alaıaqtyń 32 adamdy aldap, 60 mln teńge ıemdengeni anyqtalyp otyr. Alaıda aldanǵandardyń sany odan da kóp bolýy múmkin.

«Eger siz nemese jaqyndaryńyz atalǵan qarjy pıramıdasyna aqsha salyp, aldanǵan bolsańyz, Beıbitshilik kóshesi 19 mekenjaıyndaǵy polıııa departamentine júginýińizdi suraımyz», – delingen habarlamada.

Sońǵy jańalyqtar