15 Qarasha, 22:03 370 0 Ekologııa Anar LEPESOVA

Qazaqstan Qyrǵyzstanǵa 50 qaraquıryq bermek

Qyrǵyzstan Qazaqstannan 50 qaraquıryq suratty. Qyrǵyzdar sonyń kómegimen elde ashatuıaqty sútqorektiniń osy túrin saqtap qalǵysy keledi. Bul týraly Qyrǵyzstannyń qorshaǵan ortany qorǵaý agenttigine silteme jasap Ortalyq Azııanyń jańalyqtar qyzmeti habarlady. 

Memlekettik mekeme qaraquıryqtardy Ystyqkóldiń soltústik jaǵalaýyna, Orto-Tokoı sý qoımasynyń ońtústik-batys jaǵyna jiberýdi kózdep otyr.

"Osy jer qaraquıryqtardyń ómir súrýine yńǵaıly. Jaqyn mańda Orto-Tokoı sý qoımasy bar. Ótken ǵasyrdyń 30-70-jyldary munda qaraquıryq bolǵan" dedi agenttik basshysy Mırslav Amankýlov.

80-jyldary qaraquıryq sany kúrt kemigen. Qazir munda qaraquıryq qalmaǵan.

Agenttik málimeti boıynsha, Qyrǵyzstan men Qazaqstan 50 qaraquıryq alý týraly hattama qabyldaǵan. Qazir soǵan baılanysty kelissózder júrip jatyr.

Qaraquıryq Qyrǵyzstannyń Qyzyl kitabyna engen. Ony atqandarǵa bir mıllıon som aıyppul salynady.

Sońǵy jańalyqtar